نزلت انصدمت من صارت بوجهي سجى وصرنا نتبادل النظرات

نزلت انصدمت من صارت بوجهي سجى وصرنا نتبادل النظرات لزمت محجر الدرج قوي ورجف جسمي نظراتها خوفتني خضعتني الفحص الشامل اباوعلها رفعت حاجبها واشرت علية باصبعها سجى: انتي زوجة ثائر الي خبصونا بيها ليش انتي مو نفسج ذيج المرة الله فكني منج بعدما كدرت اضغط على ابوهم حتى يبعدج عن طريقه شرجعج من الله ياخذج  ارتديت للخلف متفاجئة من كلامها شكد شايفة صلافة ووقاحة مثل هاي ما 

شفت : انتي شلون تتجرئين تحجين وياي هشكل صار جسمي كلة يرجف مدا اكدر اصدك يعني هي الي جانت ورة تهديد ابوهم وحربه ضدي وبروده وياي واني اكول شبي ابوهم متعقد مني اثاري هاي ماكلة راسه من الله ياخذج شنو من شيطان من القهرة حسيت الدنيا افترت بيا ولزمت الدرج سمعت صوت سناء : خير يا طير شعندج لازمتلها الدرج جنج جنج جلب حراسة انتي وهاي عطوبج جانت تحجي وية سجى الي ما لابسة حجاب وملابسة ملفتة للنظر : تعاي يمة سهوة خلي نتريك وجهج صاير اصفر سجى: اجي وياكم تريكوني جوعانة التفتت عليها : نكمل ريوك ونخلص وعودك تعاي اتزوهري لان ابوي الشيخ مزاحم موجود جاي يتريك لاتنسد نفسه بشوفتج اني محجيت شي لان سناء الله يحفظها كفت ووفت مشينا وتركنا سجى وواكفة بمكانها همست بأذني : خايبة يالفاهية جم دوب اظل اعلم بيج جا مو كتلج اوهگي بيها دمغ (نزلي عليها بالضرب) ما افتهمت كلامها: هااا شنو اسوي مفتهمت عليج سناء تكلب بعيونها : خابية من امداني ما اعرف انا شلون جنت خايفة منج تخربين بيت ابوي الشيخ وتسيطرين على الكل اثاري طلعتي كل خير ما بيج بس مايعة وتنعوصين دمشي امشي كدامي ما اعرف اضحك على كلامها الي نصة ما افتهمت عليه لو اضحك على القدر الي خلة سناء تصبح صديقة مساندة الي دخلت وشفتهم كلهم كاعدين وانتبهت على ثائر ما رفع راسه شكله بعدة زعلان مني بس اني ما راح انطي مجال وراح اخليه ينسى زعله ويرجع لحضني حياتي وية ثائر علمتني النكد مع الرجال ما راح تجيب اي نتيجة غير ان تطفشة مني اما الحنان والتفهم تقوي علاقتهم مع بعض وتقربهم اما عن التنازل فعمرة ماكان ضعف بحق المراءة لا بالعكس للتنازل بين الاحباب لا يعتبر ضعف او هدر للكرامة وانما تضحية من اجل ابقاء الحبيب والحفاظ عليه ابتسمت بداخلي على ضوء الامل الجديد صبحت عليهم واقتربت من الشيخ مزاحم وبست راسه وسويت نفس الشي وية بيبتهم ورحت وخذت مكاني بصف ثائر وكان مندمج بالاكل لمست رجلة برجلي وسويت نفسي مامنتبهة عليه انتبهت عليه انخبص و وكع اكلاص الماي بالسفرة الجدة : يالله فدوة الك اتبدة الشر (طرد ) مديت ايدي على الكلاص وحطيت بي ماي وانطيته لثائر : هاك اتفضل اخذ : هااه مد ايدة واخذة بس قبل لا يسحب ايده لمست اطراف ايديه انتبهت عليه عكد حواجبه باستغراب ورفع عيونه واجتي بعيني ابتسمتلة بخجل شفت الكل ملتهي ويسولف ويحجون ومحد منتبه علينا همست بأذنه : ثائر اليوم مو تتأخر بالليل عفية حسيت بيً مثل الي داخ : احم شكو شبيج سهوة منا اهلي شبيج تخبلتي : ليش اني شنو سويت والله حبابة ابتسم بطرف شفتة : خايبة يا حبابة وانتي نازلة بيه حركات : عفية ثائر لاتخجلني مجان قصدي اثيرك كانت نيتي صافية بس انت عقلك مو نظيف مديت ايدي عالاكل وصرت اغمس كيمر واكل وهو يمسح بالعرك كنت اكل على كيف اباوع عليه شلون يتلفت عالجانبين وكأنه يراقب خاف واحد يحس علينا اقترب مني وهمس : من احتركت عشيرتج سهوة اكلي عدل منا اخوتي لا اعلمج شلون تاكلين بدلع: شنووو لعد شلون اكل اي غير مثلكم : لا انتي اليوم بيج شي مو طبيعية كام من السفرة : الحمد الله يالله مع السلامة انا طالع سهوة تعاي سدي وراي الباب كمت ورحت وراه اسد الباب جاي امشي وفجئة لزمني من زندي : شوفي ولج بطلي هاي المياعة لا اعلمج شلون تصيرين مرة حوك بدلع : والله يا ريت تعلمني اخذ نفس : هاي سالفتج اليوم مالها حل الا عصا جدي ووين اليوجع لزمت ايدة وحطتها على گلبي: هذا يوجعني تكدر توصله وتضربه بخيزران جدك(العصا) ................ ودعتة وطلع وهو كل ساعة يباوعلي بأستغراب ممصدك ان هاي الي واكفة كدامه هي نفسها سهى العنودية الي خبلتة البارحة وسديت (غلقت )الباب وراه ورجعت واني ابتسم على شكل ثائر الدايخ بتصرفاتي وياه بعدك يثائر مشفت مني شي انت ملكي وحلالي ولايمكن اخلي غيري تتربع بگلبك لو تاخذ مكاني جنت راجعة للمطبخ وصارت بوجهي سجى يمة دخيلك ربي هاي شتسوي هنا عزة هاي بس لا جانت تراقبنا اني ثائر اي بس احسن خلي توصللها الرسالة ثائر زوجي ومالهة حق تباوع عليه يمة بس عيونه تجدح عبالك وحدة تريد ترتكب جريمة اقشعر جسمي منها دخلت للمطبخ وتركتها تباوع علية كملنا الريوك وشفنا سناء لبست عبايتها وكالت اليوم عازمين بيت اختي منتهى عالغدة فراح اتسوك وارجع والتفتت علية شافتني انظف بالصحون : سهوة ما اوصيج عالبيت اباوع عليها تحجي وياي بصوت عالي وتباوع لسجى اتوقع مثل الي تنطيها انذار ان اني هنا الي دور بهذا البيت وسجى مالهة مكان بينا صرت اعرف تفكير عمتهم اجتي تطلع وصحت وراهة وانطيتها ورقة : عمة لحظة جيبي وياج هاي الشغلات المكتوبة بالورقة اريد اسوي حلويات اليوم : اي عفية عليج اتلحلحي صيري سباعية وصدك ثائر يحب الكيك ابتسمت بداخلي واتذكرت موقف الكيكة اوووف عمي اصيرلة كيكة خلصت شغلي وطلعو الولد وبقة اليوم الجد كاعد بالديوان وصاح لعمو ابو ثائر ومرتة كتلني الفضول ليش دز وراهم شعندة وياهم ....................... طلعت من البيت وانة دايخ بتصرفات سهوة الغريبة وين تريد توصل بهاي حركاتها معقولة تريد تتقربلي وتمدلي غصن الزيتون وصلت لبيت عمتي منتهى حتى اعتذرلهم عالصار البارحة دكيت الباب وطلعلي حارث وانا اتعوذت من ابليس اشكد اتخبل منة ما اعرف ليش سلم علية ودخلني للبيت ودخلت عمتي علينا وسلمت عليها بعدها دخل عمي قاسم وناصر وهمة وجهم ثكيل كمت سلمت على عمي قاسم وردلي السلام بزعل: هلة بثاير طبعاً انا جاي اجيكم للبيت والعب بيك طوبة على سوايتك مالت البارحة والله لو داري بيك جان كسرت راسك بس الله حابك انت اجيت قبل لا اروحلكم طلعتك مو حلوة بخاطرنا يعني ضربت بكلمتي بعرض الحايط وما سويتلي حساب وحشمة لشيباني : محشوم عمي وماعاش الي يقلل من هيبتك بس والله ما كدرت يغمضلي جفن وانا احس بروحي مغبون ومظلوم وبتكم ظلمتني ودخلت بخطيتي منتهى: ايه يقاسم هسة انت ما تعرف بالوحش ما ينام ليلة ولا يهدالة بال الا ياخذ حقه قاسم: اي بس احنا نختلف اهل والاصول تكول السواه غلط بحقي وبحق بنت اخوي وانا ناوي اليوم اروح واسألها واذا جانت تريد تجي وياي اخذها عندي ما غصبن على اليرضى والما يرضى : لاتخاف عمي بنت اخوك تخبل بلد بحالة وماخذة حقها وزايد وما مقصر وياها بَــأي شي ولا تستغرب مني اذا انا طلبت منك تاخذني عندكم من ورة سوالفها ابتسم : يابوي الله يهديكم لبعض انا شرايد منكم غير بس تدير بالك عليها خطية يتيمة وما شافت شي بحياتها بس التعب ولا تلومها هي هم مرة وتغار على رجلها والي شافتة مو هين بس اليوم عمتك عالريوك فهمتني بسالفة البنية وابنها الي جايتكم البارحة نصيت راسي ومسحت على وجهي : والله ياعمي ما اعرف وين اودي وجهي من الناس من ورة افعال ابوي حسيت بيد عمي قاسم لزمت كتفي : لاتاكل هم يابعد عمك ترة الدنيا امتحان وابتلاء والله اختبرك ببأبوك وانت ما قصرت الله يبارك بيك التفتت عليه كمت من مكاني وبست راسه : ارجو منك السموحة يالغالي ................... نظفت الخضرة حطيتها بالسلة والكل مشغول ومخبوصين خبص لان بيت عمو قاسم على جية اتصلت على عذراء حتى اطمن على عمو واريد اعرف شنو كال من عرف بية رجعت بدون علمه : سكتي قبل شوية جان ثائر عندنا بالبيت واستسمح من ابوي اسمع كلام عذراء واني متعجبة ثائر ابد ما تنحزر تصرفاته : يالله مو تتأخرين لتنتظرين اهلج تعاي قبلهم حتى تساعدينا : من عيوني راح ابدل واخلي حارث يوصلني ................... وصلت سناء وساعدتها بتعزيل المسواك وبدو البنات يجون وزينة التهت باطفالها كملت شغلها وصعدت لغرفتها حتى تسبحهم واني كلمت وتركت رواء يم سناء بالمطبخ ورحت صحت لحسن حتى يدخل يسبح وورحت للبنات فاطمة وسرى شفتهم كاعدات بالغرفة ديجهزون بملابس فاطمة ويبجون (بكاء ) على فراق بعض باوعت لفاطمة صدك اتعودنا عليها وعلى شقاوتها ومرحها هي وسرى صداقتهم كلش حلوة رحت اقتربت منها وحضنتها : لتبجين انتي بعد صرتي مثل بتنا مو تكطعين بينا واني راح اخلي ثائر يحجي وية محمد يخليج كل فترة تعدين علينا وتزورينا خطية عصرتني بحضنها الصغير وهي تبجي : والله عمة انا هواي حبيتكم واتعودت عليكم وعشت وياكم ايام حلوة وعاملتوني مثل بتكم حتى ابوي ممسوي وياي هيج واتمنيت اسأل ثائر شلون حلها وية اهلها وان شاء الله بس تصيرلي فرصة اسئلة عنهم دخل حسن : ماما بدلت حلو ؟؟ التفتت عليه جان لابس دشداشة ولادية بيضة اتفاجئت : منو اشترالك هاي الملابس!!؟ : عمو ثائر كال هذني تلبسهم من تجي وياي عالديوان واليوم كلهم راح يجتمعون بالديوان لمعت عيوني بفخر من شفت حسن شلوو طالع بالملابس العربية اخذتة لحضني يارب رحمتك شكد واسعة وما حرمتني من ابني شميت ريحتة عطره الرجالية وابتسمت جانت هاي ريحة ثائر انتبهت لحسن ابني صاير يحب يقلد ثائر بكلشي ويطيعة طاعة عمياء ااااه عدت علية سنين شكد حاربت وشكد عانيت لاجل يبقىً ابني بحضني اوصله لبر الامان كمت من مكاني ومسحت دمعتي : يالله بنات جهزو نفسكم ترة بيت عمتي منتهى والبقية وصلو مو تظلون معلكات فوك عيب نزلو سلمو عالكل والتفتت على سرى وخصوصاً انتي منتبهة عليج هواي تنعزلين عن البقية : عمة والله استحي ادخل اسلم على الخطار همة كومة : صحيح حبيبتي عاذرتج وادري بيج تخجلين انتي تسميه مستحة بس همة راح يعتبرونها تكبر من عندج وقلة احترام متنزلين تسلمين : لا والله ما اقصد هيج شي : اعرف حٍٍِْــًبٌٍـــِٓېٍٓ بس انتي حبابة وراح تنزلين وتسلمين وتخليهم يشوفون بنت الوحش متخاف ولا تخجل من السلام وهي تعرف الاصول مثل اطباع ابوها : ابتسمت صحيح اني بنت الوحش والكل يخاف يقتربلي عبالهم اعض ابتسمت على كلامها وبگلبي احجي والله شكلهم حتى الخطابة يشردون من ورة ابوج الوحش هههه بستها من راسها وطلعت نزلت جوة للمطبخ بعد ما عدلت نفسي ولبست ثوب مرتب راهم على جسمي ولبست شالي ورحت يم سناء: هَـا عمة محتاجة شي اسوي بين ما بوصلون : لا حبية خلصت التفتت علية وباوعتلي وابتسمت : اي عفية عليج اريدج هيج معدلة كون من يرجع ثاير ما يعاين على غيرج شغلي بيج ترة اكو شياطين عالارض الله يكفينا شرهم كاعديلكم بالمرصاد ابتسمت وفجاء سمعنا صوت عياط وصياح جاي من الديوان شهكت سناء وراحت تركض : ياستار استر شصاير ......................... رجعت من الشغل ودخلت بالديوان وشفت ابوي والشيخ مزاحم وسجى كاعدين وصوت ابوي يصيح دخلت وسلمت عليهم ورحت كعدت وانا احس بنظرات سجى تلحكني بس ما انطيتها نشدة ولا ريحت كلبها  الشيخ مزاحم : شوف بوية فاضل من باجرتاخذ مرتك وترد بيها لبغداد منين ما جبتها وشلون جنت عايش وياها كل السنين بعيد عنا كمل مثلما جنت انا ما اكدر الفي لبيتي هيج عالم :ليش بوية شسامع عنا : لا تسوي روحك غافل خلينا ساكتين احسن وجودها ببيتنا ينتهك حرمتنا واحنا عندنا بنات وسمعتنا بالدنيا باوعت لسجى عيونها صارت جمر والتفتت على ابوي لان متكدر تحجي وية جدي تخاف منة : احجيلك كلمة لتضل ساكت شنو هذا مو بيتك وحلالك ليش تخليهم يتحكمون بيك وبعائلتك اني وابني النة الحق نعيش هنا حالنا حال البقية اباوع على ابوي مثل العربانة بيدها : اي بوية ترة كلامها صحيح ترة انا ابنك العود (الكبير) وانا اولى واحد يسكن هنا : خايب فاضل شمالك الله غاسل خظك وصرت عجينة بيد مريتك والمصيبة مو اي مرة هم ياريت تنحسب عالنسوان نهضت من مكانها باعتراض: لا لهنا وكافي اني اتحملت اهانة بما فيه الكفاية بهذا البيت التفتت على ابوي : شوف اذا اني وابني مالي عيشة هنا من هسة اكلك طلكني لان ما اتحمل ابقى على ذمة رجال ماعندة حجاية وية اهلة خلصت كلامها وطلعت وابوي تسودن ظل يصيح ويهد وكل ساعة يتوعد بشكل وكضاها علينا كلة وانا وانا : شوف شيخنا رخصت بية ونزلت من قيمتي جدام حرمتي وهذا الشي ما اقبل عليه : خايب من الله يسود وجهك لو ميت ولا شايفك بهاي الشوفة صاير خروف بيد حرمتك شفت جدي كام من مكانه وضرب العصا بالكاع : هذا اخر كلام عندي حرمتك مالهة مكان ببيتي عجبك الكلام اهلا وسهلا ما عجبك الباب يوسع جمل وراوينة عرض جتافك : لا والله ما اطلع وانا وياكم حالي من حالكم الي نصيب بهذا البيت وتعبي وشكى عمري : شوف فاضل اتقي شري وخليني ساكت ما دام النفس عليك طيبة لا وحق الحق لافصلك من العشيرة واكتب بيك ورقة تبرأ ة واكول هاذ موش ابني موكافي اولادك صارو بطولك وكاعدين يتحملون مكاسيرك دخلت علينا بيبتي تهدي بيهم : سمو بالرحمان عين الماصلت عالنبي شجاكم ليش تعاركتو شفت جدي ما خبرها بالسالفة يدري بيها تنقهر : يا محفوظة السلامة ابنج يريد ياخذ اهلة ويسافر بيهم وجاي يريد يسلم علينا وعاين لابوي بنظرة تحذير وطلع .......،............... اجتي عذراء قبل اهلها وستلمتي تحقيق وكعدت اسولفلها عالصار بية من بعد ما اخذني ثائر لبيتهم وهي كعدت توصي بية جانت تحجي وياي وشفتها تباوع وراي شهكت وضربت على صدرها : صخاااام اناا اختك يناصر ولج مني هاي المرة التفتت وعرفت مصدر تعجب عذراء حجيت بصوت ناصي : لج هاي زوجة عمو ابو ثائر : لا يا بوي حلفي : والله شبيج هي هاي سبب زعلتي البارحة خرب ولج انا سمعت من امي بسالفتها بس بكل عقلي مرة جبيرة ولابسة شيلة بعد بعمر حبوبتي(جدتي) دخلت علينا سناء مثل العاصفة بس تنفخ بعد ما راحت للاستقبال حتى تشوف شنو مصدر الصياح الي صار اباوعلها صايرة نار كبرة والشرار يطلع بعيونها عبرتنا وراحت لسجى ولزمتها من ثوبها وجرتها : شوفي ولج مو جايتنا تهجمين بيت ابوي ووتوكعين بين اخوي وابوي وتشعليها نار بينهم عدالج اسكتلج والله ادفنج وانتي حية واسويج سالفة الكل يسولف بيها ودفعتها ونضرب ظهرها بالحايط اباوع لسجى شلون بلعت السانها وكعدت تعدل بملابسها وابتسمت صفح بشماتة وكأنما تستهزأ بسناء بس الله حابها سناء دايرة عنها وما انتبهت عليها عذراء : يمة ولج سهيوة هاي شيطان موش مرة الله يكفينا شرها التفتت علينا وشكلها سمعت حجي عذراء اقتربت من يمنا وهمست لعذراء بصوت مثل فحيح الحية : انتي خطيبة عدي عذراء: اي حبيبة عندج مانع : لا حٍٍِْــًبٌٍـــِٓېٍٓ الف مبروك عليج بس انصحج كلي لعدي يغير الوشم مال صدره ويخلي بدال السيف واحد يحط سيفين احلى عليه لان صدره عريض كمزت عذراء مصدومة من مكانها : شنو قصدج سجى وتلعب بأظافيرها وتباوع عليهم وكانت حركتها مستفزة من يمي اتمنيت اكلها بسنوني اعرف شنو كانت تقصد بكلامها لان البارحة ثائر حجالي كلشي عنها وعن عدي الي رافقها فترة لكن بطل منها رغم اتهامهم لعدي بالباطل بس تعال جيب اليقنع عذراء اذا درت بهاي المصيبة التفتت على عذراء: ماعليج منها هاي هجامت بيوت تريد توكع بينج وبين عدي مشفتي عمة سناء شلون هدت عليها تريد تكتلها : لا حٍٍِْــًبٌٍـــِٓېٍٓ اني ما اهجم بيوت بس فعلا اني حبيت عذراء وردت انبها من زوجها حتى منا ورايح تدير بالهة عليه خاف يروح يلعب بذيله  رادت تطلع من المطبخ وشفت عذراء ركضت وراها : تعاي تعاي وين مولية والله اليوم ما اهدج الا تكليلي شنو معنا كلامج هذا ماكو ابلعج السانج واكسر سنونج : اووي شنو انتو وحوش كضيتوها علية كلة تتوعدونً وتتحلفون بية اوووف بس على العموم ميحتاج تحذريني اني راح انطيها الج من الاخير اني جنت على علاقة بعدي قبل لا اتزوج ابوه لطمت على خدي من ورة جرائتها وكلامها شكد شايفة وسامعة بوصخ وقذارة بس مثل هاي مشفت الله ياخذها باوعت على عذراء شلون لون وجها انخطف : يعني شنو : يعني باختصار اني نمت بحضن عدي وشبعت بي وشمرتة الج كمت من مكاني وصرت مقابيل عذراء الي رادت تهجم على سجى التفتت عليها : شوفي لج اذا هسة ما اتكسحتي منا والله احاجي ثائر واخليه يطين عيشتج طلعت واني احجي وكوة لازمة عذراء الي ظلت بس تكمز من القهر حسيت بيها صارت نار كبرة خطية والله احس بحركة گلبها البارحة جنت اتگلب من القهر من ورة هاي العگربة : عذراء شبيج تخلين وحدة مثل هاي تنصب عليج وتهزج : سهى رحمة على والديج بعدي عني ................................ وصلو عمامي والتهينا بالعزيمة ودخلت جوة للبيت حتى انطي خبر لعمتي تصب الغدة فتت عالمطبخ وشفت سهوة واكفة يم الطباخ وفاتحة الفرن اقتربت منها : هاي شنو جاي تسوين كيك نزت من مكانها وحطت ايدها على صدرها من الهبطة وحجت بدلع : عفو عليك ثائر خوفتني اباوع عليها شلون سبلت عيونها وحركاتها الي جنت عطشان الهة من قبل : ولج سهوة انا موش حمل شلة حال ترمش بعيونها وتعاين لشفايفي : شنو شسويت اني والله حبابة التفتت اعاين يسرة يمنة خاف واحد يعاين علينا ورحت سحبتها من ايدها :وخمط شفتها وهي ما كالت جذب سحبتي لحضنها وجيب الي يفكها مني سمعنا صوت عمتي سناء يلعلع قريب عالمطبخ وهي بسرعة دفعتني من صدري وبعدتني عنها لزمت صدري : من احتركت عشيرتج يسهوة انا من تالي عمري تخليني اتصرف مثل المراهق سهى بهمسة: يالله روح لا تجي عمتك وتگلب علينا عض شفتة دخلت سناء : ها عمة ثاير شنو شوكت نصب غدة عدلت شالي وهو يعدل بثوبه حك خشمة برتباك : احم اي عمة صبو هم يالله تركنا وراح انشغلنا بالترتيب والتحضير وومنتصر دخل اخذ السفرة الجاهزة حتى ياخذها يفرشها بالديوان وية طلعتة سمعت عذراء سئلتة عن عدي وجاوبها عدي ستوة رجع من الشغل وصعد فوك جاي يسبح باوعتلها : شنو عذراء لايكون ناوية ترحين تصعدين فوك لغرفة عدي : اي حبيبة انا مو مثلج اروح اشرد واختل ورة ابوي واكعد ابجي لا عيني انا اروح اواجه واطالب حقوقي وما اخلي واحد يضحك علية شاورتني : بس خلي عينج عالدرج لا واحد يصعد اخذت نفس عميق وصدت فوك لغرفة عدي دكيت الباب وسمعتة : منو فوت ادخل فتحت الباب واني مترددة لكن غضبي عاميني واتغلب على ارتباكي التفت وعاين علية متفاجيء ابتسم : يا هلا وكل الهلا بالجاي لينا شنو صعدتي حتى تتحارشين بية عيب ترة انا استحي شافها ما ابتسمت على كلامه عكد حاجبه بتسائل مستغرب :عذراء شنو صاير شي اتقدمت بتجاهة واني معمية من الغضب لزمته من قميصة وكعدت افتح بالدكم يباوع علية ومتفاجئ بحركتي : عذراء شكاعد تسوين فتحت القميص عالجانبين وعاينت عالوشم جان مثل الوصف بساعتها حسيت مثل الصاعقة الي وكعت على راسي : ولك عدي من الله ياخذك وصرت اضرب على صدره من القهر وخرمشت صدره باظافري وردت حتى اخرمش حتى وجهة من القهر لزمني من ايدي وقيدهن وصرت اتلاوة وياه : عذراء بس فهميني شنو الصاير وليش هيج سويتي خلص حيلي (القوة) وحجيت بخيبة امل : عدي اسألك واريدك تجاوبني بدون لف ودوران شنو بينك بين سجى مرت ابوك انگلب لونه واتفاجيء وبلحضتها عرفت عدي عندة علاقة وية سجى وكلامها جان كلة صح درت وجهي واتوجهت للباب وشفتة كطع علية الدرب : لحظة عذراء متطلعين منا قبل ما تسمعيني : ابعد عني انا عرفت كلشي مد ايدة وراد يلزمني نفضت ايدة دير بالك تلزمني انا مو حلالك راح اخبر ابوي واكلة يخليك تطلكني ما اعرف ليش سمعت كلامها وانا الشيطان ركبني : شنو ولج شكلتي : الي سمعتة طلكني ما انطاني مجال اكمل حجايتي هجم علية وجرني لحضنه وصارمثل الوحش كعدت ادفع بي : ابعد عني لا والله اصرخ والم البيت عليك : صيحي شمنتظرة خلهم يجًون عادي ترة رجال ومرتة ويريد يربيها دفعتة بكل قوتي وابتعدت عنة احس بشفايفي تريد تنزف دم من هجوم عدي الشرس اباوع عليه يتنفس بغضب وقميصة مفتح وصدره يرتفع ويهبط والوشم بارز غمضت عيني من اتذكرت كلام الفاسدة عن الوشم : شوفي عذراء خليني افتهم منج شنو سامعة جريت نفس :شوف عدي انا راح انطيك فرصة تبرر موقفك وراح احجيلك شنو سمعت وكعدت تحجيلي شنو خبرتها سجى : اهااا هنا الحجي وحق هذا الله اليوم الا احرك عشيرتها على هذا كلامها شفتة نزل وهو يتوعد حتى خفت من منظره ركضت وراه : لحظة عدي اوكف عدنا خطار بالديوان : لاتخليني اسب حتى الخطار اليوم لو انة لو هي نزل يهرول الدرج بسرعة واني لبست شالي ونزلت وراه وكلبي كلة يرجف شراح يسوي هسة اني ليش ما بلعت السالفة وسكتت وافهم منة بس احسن خلي يتوبها باوعت عليه فات عالمطبخ ........... دخل علينا عدي يصيح ويتوعد واتوجه على سجى وصاح بصوت عالي ولج ساقطة اتسعت عيوني من الخوف يمة انتبهت عليه ضربها راشدي والكل جمد بمكانه وجرها من ثوبها وسحلها سحل لغرفة جدي رحت وراهم سمعت صوت ابو ثائر وثائر والشيخ مزاحم اجو يركضون عالصياح وصار صياح وابو ثائر ضرب عدي وظل يغلط ويسب وبهاي الاثناء والكل مخبوص سمعنا صرخة رواء : لحكووو بيبتي تخربطت ............................................. الساعة ١٢ليلاً : الو هلو ثائر بشرني شلون صارت بيبي سمعته جرنفس حسيت بي تعبان : لا الحمدلله طلعت جلطة خفيفة كدرنا نتلاحكلها : الحمد لله على سلامتها شوكت ترجع للبيت : هسة جاي جاي بالطريق بس اوصل الشيوخ بطريقي : يالله انتظرك : اااوووف سهوة تعبان : بية ولا بيك اتمنة كون انت يمي واخذك لحضني وامتص كل تعبك : ااخ الله سهوة رحمي بحالي سمعتة سلم على ناس يالله سهوة انا رايح مع السلامة ..............................  هو صحيح مخبوصين علمود جدتهم وثائر كلش تعبان والشغل كلة فوك راسه بس سعيت ان اخلق عالم خاص بينا اني وياه. حتى يرجعلي بنهاية كل يوم بلهفة ردت اصعد فوك لغرفتي ومريت من الديوان وسمعت صوته وصل ويمهم زلم كملت صعدت الدرج ورحت لغرفتي كملت ترتيب وعدلت ورحت كعدت على الدرج منتظرتة سمعت صوتة وهو يصعد عالدرج جان يكلب بالنقال رفع راسه وكف بمكانه متفاجيء : سهوة شتسوين هنا كاعدة جانت كاعدة وحاطة ايدها على خدها : جنت انتظرك تصعد ما اريد اظل بالغرفة وحدي اختنك شفتة ابتسم ومد ايدة الي وكومني : مخبلة مو عاقلة شخليتي لسرى بتي بهاي حركاتج دخلنا للغرفة وسحب نفس كان تعبان ويحتاج الراحة وحسيت بي بدة يسترخي من دخل : ادخل اسبح بين ما احضرلك ملابسك دخل وكعدت اجهز الميز كيكة وشموع معطرة وكرزات وعصير فواكه ورة دقايق طلع وهو ينشف شعره بالمنشفة ونزلها على اكتافه ووكف يباوع وعيونة تنتقل بيني وبين الميز كمت ورحت اقتربت منة وعقدت ايدية حول ركبته انت مو تحب الكيك جاوبني وعيونة على شفايفي عض شفتة : احم هاا اي اموت عالكيك واتمنى كل ساعة اعضهن : شنو تعض منو اتخردلت منة حركتة وقربني عليه ابتعدت حتى اروح اقطع الكيكة : تعاي شنو وين رايحة انتظري انتي موكلتي مسوية كيكة قبل لتروحين عوفي الكيك على صفحة عندي حجاية وياج اقتربت منة بجدية: شنو ابتسم بمكر ولزمني : ولج دتعاي مو سمطتي عشيرتي عضني من خدي بخفة واخذني لحضنة وصرت مثل الماي بين اديه وكضيت احلى ليلة بحضن محبوبي وصارت افعالنا ابلغ من الكلام وهي الي تحجي عن محبتنا ............................ جنت متمددة على صدره ايدي على صدره واتلمس بشعر صدره همست بنعاس: ثائر شنو صار اليوم وية عدي مفتهمت شي اخذ نفس من الجيكارة وطرحه حجالي شصار عن عدي المظلوم انتفض وما كدر يسكت عالظلم اكثر وشفتي بعينج شسوة وجدي طرد ابوي ومرتة من البيت بس جدتي اتخربط : وهسة ابوك ومرتة وين : بعدهم ما مسافرين ............................... كعدنا يوم ثاني والخطار صارت تتوافد علينا واني التهيت خطية اباوع لعمة سناء كسرت خاطري شلون مقهورة على امها وصرت اواسيها وسلمتنا اني وزينة زمام الامور بالطبخ والبيت وكل ساعة ادخل عليها اسألها على شي لان هي جانت لازمة بيدها كلشي : سهوة لا تثبرين راسي شتسوين سوي ادري بيج سنعة وام بيت ما تفشليني : لا عمة احنا مالنا غنا عنج انت الكل بالكل شفتها ابتسمت وعيونها دمعت حسستها بقيمتها ودورها الكبير بالبيت جنت احجي وياهة ودخل علينا ابن سجى يركض : ثوووهى ثوووهى حسن ابنج جرح ايدة واتعور وطلع منة دم كوومة ضربت على صدري : يمة حسن طفرت من مكاني ورحت اركض ......................... جنا راجعين من المستشفى انا وجدي والربع اقتربت من السلف وصرنا قريب على المزرعة واشوف الوادم فازعة وتركض بتجاه بيتنا الشيخ مزاحم : يا ستار شمالهة الوادم تروكض نزلت جامة السيارة وسئلت ولد مار من يمنة جاي يركض : شنو شصاير : ووحش الحك بيتكم شابة بيه النار انخطف لوني ودست سرعة وقطعت الطريق بلحضات وكفت السيارة ونزلت اركض بتجاه بيتنا انتبهت عالبوابة مشرعة والناس ملتمة صرت اركض خايف وحدي وربعي يركضون وراي سمعت صرخة رواء : سهوووووووة سهووووة جوة شابة بيها النار؟؟؟؟  ثمار العار بالحلال البارت(33)الاخير ______&&&&______  ((مساااااااااااء الانوار والسعادة والتفائل عليكم يا احبتي ) ((اتمنى لكم قراءة ممتعة ))  صرت اركض خايف وحدي وربعي يركضون وراي سمعت صرخة رواء : سهوووووووة سهووووة جوة شابة بيها النار : لاااااا يا الله. الا سهوة رحت اركض احس بروحي شاغت لا يالله : ولج رواء احجي سهوة وين رواء وهي تبجي مفرفحة وتأشر عالبيت : ثائر سهوة شخفتها فاتت لغرفتكم والنار شابة بثوبها وماكدرت الحك عليها رحت اركض عالبيت اباوع للناس مخبوصة والكل متعاون ينكل ماي من الساكية ويطفي صغار وكبار وبيتنا صاير لهيب بللت شماغي ولفيتة على وجهي وباوعت لاولاد عمامي واخوتي وربعي انتشرو يكسرون جام البيت حتى يطلعون الدخان فتت جوة للبيت ولفحتني حرارة النار واسمع وراي صريخ النسوان والامة مكلوبة وانة كلبي يريد يوكف ربي بجاه كلمن عندة جاه يمك اريد سهوة منك اصعد عالدرج والبيت دخنة اريد بس اوصللها اسمع صريخها : سهوووة انتظريني اجيتج لاتخافين اسمعها تصرخ مفجوعة وتكح مختنكة : : ثائر الحگني النار النار : سهوة سمعيني. زين روحي للحمام وبللي جرجف ولفي روحج بي والله ما اسامح نفسي اذا صار عليها اعاين على المحجر مالت الدرج جان كلة خشب صاج و جاي يحترك من الطول للطول كوة صعدت ثلاث درجات وسمعت صوت شي جاي يتكسر رفعت راسي باوعت جان محجر السطح يريد يوكع وينهار شهكت دخيلك يالله صرت اتقدم واصيح بأسمها حتى اسمع صوتها وكأن صوتها راح ينطيني الامان حتى اوصللها بس ما سمعت منها صوت ما جاوبتني صحت بصوت فاقد ولج سهوة جاوبيني لاتسكتين وما حسيت الا على ايد سحبتني التفتت شفتة ناصر ابن عمي وعدي متلثمين لزموني يمنعوني عن الصعود عدي: ثاير ارجع رجع راح ينهار المحجر ويوكع فوك راسك صرت ادفع بيهم : ولك عدي عوفني سهوة فوك عوفني خليني الحك عليها ولك نصير عوفني شلون ترضاها مروتك بنت عمك فوك تحترك وما تفزعلها ناصر وهو يكح باوعت عليه رفس المحجر حتى يبعدة عن طريقي وسوالي مجال اعبرمنة وصعدت درجتين ورفعت بيدي دنگة خشب جانت قاطعة طريقي ما حسيت على حرورتها من حرگت جفوفي ما اهتميت جنت بس اريد اوصلها سمعت صوت سيارة الاطفاء اباوع لبيتنا كلة دخان وظلمة ما ينشاف شي واسمع صياح الزلم وصريخ النسوان تولول والجهال تتباجى وانا هذا مو بالي جنت انتنصت وحابس انفاسي لحتى اسمع صوتها والله انهد حيلي من سمعتها تكلي ثائر الحكني سهوة جايج لو ارجعج وياي لو تاخذيني وياج وحك عيناج ما اخلي الموت يفاركنا وصلني صوت رجال الاطفاء و خرطوم الماي بدة يطفي بس بعديش ااااخ الله مو عبالك درج يفصل بيني وبينها عبالك دهر يبعدني عنها وصلت لباب غرفتنا ودفرتة عدي: ولك ثاير ارجع لا تموت : ولك ياخوي طلبك صعب الموت اهون علية من اعوفها تحترك جان لسان حالي يكول جا ياخوي شلي بعمري من دونها ما يحلالي العيش اتقدمت و عدي صعد وراي بيدة قنينة الاطفاء يتقدم ويكح مختنك ويرش على طول الدرج واقترب مني وكعد يسويلي طريق بس المصيبة ظلمة وصحت: سهوة اروحلج فدوة سمعيني صوتج سهوة صرت امشي وناصر صاح :الحك ثاير لكيتها رحت اتوجهت على صوته وجان المكان بتجاه الحمام ناصر بصوت مخنوك: ثائر الحك جيب بطانية جرجف اي شي ظليت ادعم منا لحد ما وكعت ايدي على جرجف السرير سحبتة ونفضتة كلة رماد رحت اقتربت على ناصر وشلت سهوة الي جانت مددة على ارضية الحمام شلتها وحطتها عالغطة واتعاونة انا وعدي وناصر وشلناها وصرنا ننزل الدرج بهرولة والكل انخبص بينا وانا احس بنار كايدة بگلبي طلعنا خارج البيت وحطيتها عالكاع وفتحت الغطى جانت كلها صخام ووجها محترك وثوبها محروك شاغت روحي وگلبي رجف رجفة استغاثة لله انتبهت على واحد اقترب منها جان من الدفاع المدني ومد ايدة على ركبتها وانا حبست انفاسي واعاين عليه منتظرة شراح يكول شفتة رجع الغطة على وجهة انا حسيت بروحي شهكت شهكت الموت : لااااااااااااااا يالله دخيلك نهضت من مكاني مفزوع ورجعت للخلف واختل توازني ورجعت وكعت للخلف بالكاع وانا جسمي يرجف وصرت اهز براسي ب لا لا لا مستحيل الي يشوفني يكول هذا اتخبل التفتت اعاين للناس حولي تبجي صارت عيوني تبحر على الوجوه رواء عمتي سناء تلطم وعمتي منتهى عبايتها متربة سرى فاطمة يبجون اسمع همس الناس خطية البنية احتركت الله يرحمها خطية ماتت انا لله وانا اليه راجعون رجعت فتحت الغطة عن وجهة الي راحت معانية الحلوة يعني شنو بعد ما اشوف مبسم ثغرها وصحت بصوت عالي وصرت اثغب بحركة مثل ونين الاسد المنكوب : هَـا يسهوة هَـا بنت گلبي شگالتلج روحج وعجلتي بالموت رفعت راسي ربي دخيلك يوجع امتحانك واختبارك صعب حمله لميت رجلية وكعدت كبالهة مكرفص ونزلت راسي حسيت بأيد لزمت كتفي : البقاء براسك التفتت ورفعت راسي : شفت جدي وجان عمي قاسم يبجي ويمسح بدموعه رجعت اعاين على جثتها وانا مصدوم : هَـا يسهوة ثاير هيج هانت عليج العشرة وتعوفيني بقيت على كعدتي عدي: خوية تعال خلي نعالج حرك جتافك وجفوفك رفعت راسي وانا احس بروحي مثل طيرمكسور الجناح : تكسب بية اجر وثواب اذا حطيت طلقة براسي وتخلصني من هاي العيشة الگشرة الشيخ: لاتجزع يابعد جدك ترة الجزع حرام بس انا وين حالي ا اسمع لاحد سمعنا سيارة الاسعاف وصلت ورادو يشيلون سهوة حسيت بروحي هجرت : لا لا لا وين ماخذينها حجزوني الولد عنها حتى ما اوصلها : عدي رحمة على والديك بس عوفني والله ما اسوي شي بس اروح اشوفها بس جدي رفض يتركوني : لزمو اخوكم تراه هجر هجرة الفاقد عزيزه لايسوي بروحة شي اعاين عليهم شلون شالوها بالسدية والناس تصيح لا اله الا الله تعرفون شنو شعور الواحد من يعاين كدام عيونة وصلة من گلبه يبعدونها عن عينة وهو واكف لاحول ولاقوة وما بيدة يسوي اي شي حتى يغير قدره الكلام يعجز عن وصف حرگة گلبي صرت احس بالالم انتقل من وجع الجسد وتحول للوعة الروح كمت الوب بدت الناس تكف البيت صار عبارة عن هيكل مفحم من الحريق جنت كاعد عالتراب وربعي واولادنا يلمون بالانقاض وجدي جابولة كرسي وكعد يمي يهدي بية وانا حاط الجفية على وجهي ومكابل الغطة الي حملتها بي وعماتي راحو همة وعدي وناصر وعمها قاسم وية سيارة الاسعاف ظليت منصي راسي صرت اشهك كل شهكة احس روحي تصعد للسما من القهرة ورة دقايق سمعنا صوت سيارة وكفت ورانا وصوت البيابان انفتحت ورجلين تروكض بتجاهنا حارث: ياستار استر شوكت احتركتو ما التفتت عليه واجة من وراه صوت عذراء ونور عذراء بعياط : عزززة صخام شنو صاير نور: يبووووووو منو مات احجوو ؟؟ : منووو مااات احجووو ثائر وين سمعت الصوت الاخير وانا كمزت من مكاني معقولة تسودنت التفتت واتسعت عيوني بصدمة ::: لاااااا يالله ............................... جنت احجي وية عمة سناء ودخل علينا ابن سجى يركض : ثوووهى ثوووهى حسن ابنج جرح ايدة واتعور وطلع منة دم كوومة ضربت على صدري : يمة حسن طفرت من مكاني وطلعت وراه وتركت سناء دايخة ولافة راسها شكلها ما سمعتة. شنو كال : احجي هسة هو وين : بالساحة مالت الطوبة ورحت اركض حطيت عباية عمة سناء على راسي جانت ورة الباب المطبخ جنت اعرف مكان ساحة الطوبة تصير يم بيت عمو قاسم  ظليت امشي وراه والتقيت بطريقي بحارث ابن عمي بالسيار جان جايب نور وعذراء لبيت الشيخ لان اني اليوم اتصلت عليهن محتاجتهم حتى يساعدونا اليوم راح يجون خطار عالغدة نزل حارث من السيارة :شنو سهى خيرج احجي وياه واني اهرول ورة ابن سجى : حارث الحگني حسن ايدة انجرحت سمعت صوت البنات اجو ورانا عذراء: صلي عالنبي لتخافين وصلنا للساحة وشفت حسن گاعد بالگاع والدم صاير بركة يمة اجيت اموت ضليت اعيط : يمة ابني راح يموت عاط بية حارث: كافي سهى لا تخبصينا خلي نشوفة شبي نور: كولي يا الله لا تفاولين عالولد باوعت لحارث نزع قميص حسن وشدة على معصمه وشالة : لازم نودي للمستشفى جرحة عميق مال خياط مو مال تضميد ركبنا اني والبنات بالسيارة اباوع على ابن سجى ركب ويانة ما كدرت انزله لان جان بالي مشدوه وخفت عليه خاف ما يندل الطريق ويضيع بالمزرعة جانت المستشفى بالمدينة وهناك ازدحامات التفتت عالصغير : حبيبي شلون انجرح حسن جنا نلعب انا وياه حلية وجاي يعبر السياج وانجرحت ايدة اتذكرت السياج الرئسي الي يحيط بالبيوت جان كلة مزروع زجاج مكسور على طول السياج مخلي كأجراء امني يعني نوع من انواع الحماية ضد الحرامية وكوة بطلاع الروح وصلنا وانخبصنا بحسن وحسيت بروحي من الهبطة راح اوكع وحارث خطية ابتلى يركض منا ويرجع مناك التفتت على عذراء : عفية اتصلي على عمة سناء خاف يفتقدوني طلعت النقال وداست اتصال بس محد رد عليها وكررت الاتصال اكثر من خمس مرات وماكو رد عذراء: هسة تلكين عمتي شامرة النقال بيد الجهال : اتصلي على رواء اتصلت عليها انطاهة الجهاز مغلق : وهاي رواء جهازها مغلق جنت اسمع صوت حسن يبجي نهضت من مكاني ودخلت على غرفة الطواريء وشفتهم دا يخيطون معصم حسن وهو ينزف دم واني انخطف لون وجهي واغمى علية ما حسيت الا على ايد تضرب على وجهي وترش الماي علية سحبت نفس ثكيل وكوة فتحت عيوني: عذراء شلونة حسن صار حارث: انتي اكبر جبانة شفتها بحياتي يا اختي تخردلين الما يتخردل شنو سالفتج عبالك انتي المجروحة ايدج مو ابنج دارعلى حسن : عمو حسن سمع صوتك لامك المخبلة خليها ترتاح حسن يمسح خشمة من اثر البجي : ماما ...ما ..ما انا زين لا تخافين علية خطية جان يقطع بالبكلام من ورة البجي كمت من السرير واخذتة لحظني التفتت على عذراء: هَـا اتصلتي على البنات وطمنتيهم : لا والله ما حصلت اي واحد شكلهم التهو بالخطار ونقالاتهم مو يمهم حارث: يالله ما يحتاج احنا راح نرجع يالله كومي لبسي عباتج ومن ترحين شربي لبن لان ضغطج هابط لبسني البنات العباية ونزلت من السرير ولبست نعالي جنت جاية بنعال البيت وعدلت ربطتي وحارث اخذ العلاج وانطى ابرة لحسن حتى ما يتلوث الجرح وصعدنا بالسيارة وبالطريق دك نقال حارث وسمعتة صاح بصوت مصدوم : لا يالله هاي شوكت يا ستار استر يالله انا جاي جاي بالطريق انهى الاتصال وكلنا عيونة عليه بكل ضني راح يگول جدتهم اتوفت بس صدمني من گال بيت جدي احترك لطمت على وجهي : يمة عزة العزاني حارث خوما احد صار عليه شي : ما ادري ما كال شي خطية انتبهت عليه يسوق سريع ويتحايل وية السيارت وصلنا وصادفتنا سيارة اسعاف عبرتنا عذراء: يايمة هاي اسعاف ماخذين منو بيها ؟؟ اني گلبي گام يوجعني بالي كلة يم ثائر خاف يصير عليه شي وصلنا وحارث ركن السيارة يم بيت جده نزلنا كلنا نباوع عالناس واولاد عمهم خطية يجمعون بالانقاظ والبيت صاير رماد وشفت الشيخ مزاحم جالس على كرسي يم واحد جان كاعد بالگاع ومتلثم بالشماغ وملابسة كلها مصخمة ومشككة الظاهر جان جوة بالبيت بس منو هذا عذراء بعياط : عزززة صخام شنو صاير نور: يبووووووو منو مات احجوو جنت خايفة اسئل وكوة طلع مني الصوت : منووو مااات احجووو ثائر وين انتبهت على الرجال الي كاعد بالكاع ومنطيني ظهرة شهك شهكة كمزتني التفت علينا وعيونة تريد تطلع من مكانها نزل لثمتة يمة هذا ثائر سودة علية شصاير بي جان يباوع علية مثل الي مامصدك عبالك شايف شبح كدامة سمعتة صاح بصوت متعجب : لاااااا يالله واحد بيكم خلي يكلي الي جاي اشوفها گدامي سهوة استغربت من سؤاله عكدت حواجبي : شنو شبيك ثائر اقتربت منة حتى اواسي بكل ضني مقهور على بيتهم لان احترگ بكبرة و صاير رماد حقه تعبهم ذكرياته كلها تحترك كدام عينة مو شوية همست : ثائر لا تنقهرعالبيت فدوة الك اهم شي انت واخوانك سالمين ما حسيت الا على ثائر عيونة دمعت وسحبني فجأءة واخذني لحضنة حضني جان يشمني من رگبتي ويضحك لفيت ايدية حول جسمه واني مستغربة موقفة گدام اهلة هيج يسوي شبي شنو الصاير عصرني بحضنة لدرجة حسيت ضلوعي راح تتكسر شميت حضنة الي جان كلة ريحة حرك وعطاب اسمعة: احمدك واشكرك يالله الف الحمدلله والشكر ربي ما اعرف شلون اجازي فضلك علية  سمعت صوت الجد : يا رحمتك يالله يا رحمتك يالله جا خايب ثاير جا هاي مريتك عدلة و بناتنا كلهن موجودات جا منهي الي احتركت انتبهت على رواء طلعت من البيت وبيدها كم كتاب قران شوية لايحهم الحرك ووجها ملطخ صخام شافتنا ولطمت على صدرها وركضت بتجاهنا وانطت القران لعذراء وجرتني من حضن ثائر : ولج سهوة انتي عايشة تحضن بية وتبجي حارث: يا جماعة شنو الفلم واحد بيكم يفهمنا شسالفة حجة الشيخ الي صار وثائر الي بعدة ما مستوعب الصدمة لازم ايدي ويباوع علية من سمعت حجي جدهم التفتت على ثائر وعيوني فاضت من الدمع هالمرة اني الي اخذتة لحضني سمعتة همس بأذني : ولج سهوة اجيت اتخبل ولج ما تعرفين شصار بحالي من اسمع صوتج تصرخين من النار وما اكدر اوصلج ولج عبالي انتي تصرخين محجيت شي حسيت بلساني ثكل رجعت لميتة لحضني انتبهت على حارث طلع نقاله واتصل على ناصر وصار يحجيله الصار عذراء: يااا جا ياهو احتركت سمعنا صوت ناعم يسئل : ثوووهي وين ماما هناااا كلها جمدت .............................. بعدما ما صار الالتباس بموضوع الجثة المحتركة تبين ان الجثة راجعة لسجى بعدما اجو الشرطة حتى يسون كتاب موقع يأكد عن احتراق البيت ناتج عن التماس كهربائي وانطونا كتاب موقع ومختوم ياكد احتراق ممتلكات البيت لان بوقتها كل المستمسكات احتركت والجوازات والجناسي وهويات الولد والطابوات ما بقى شي صاحي حسب التحقيقات يكولون التماس كهربائي جاي من غرفة سرى بس بقى السؤال الي يطرح نفسة سجى شنو جانت تسوي بغرفتي وصار الكل يتحمدلي على السلامة بعدما جانو.يضنون اني الي احتركت وعدت الايام وثائر الي صار مثل المجنون ما يخليني ابتعد عنه خطوة جان عندهم بيت ثاني يصير بأطراف المزرعة يكون صغير وبسيط انتقلنا الة بعدما عجز عمو قاسم واولاد عمامهم لحتى نجي كلنا ببيتهم لكن الشيخ مزاحم كال ما يحتاج بيتنا موجود يسلم راسك يقاسم واتشكر من البقية رحنا عالبيت اني والبنات وشدينا الهمة وكعدنا ننظف ونغسل لان جان حيل تعبان ووصخ لان جان متروك خبر وفاة سجى ما اثر على اي واحد فقط شخص واحد انكسر خاطري عليه ابن سجى خطية جان بس يباوع بعيونة كلشي ما يفتهم اجة ابوهم من المستشفى بعدما راح اخذها ودفنها بالنجف جان الكل ضايج من عندة سناء خطية شدت الهمة وكعدت توجهنا عالشغل وكلنا تعاونة على تنظيف البيت وصار الليل وكدرنا ندبر امورنا بالبيت الصغير اني وثائر وحمويني عدي ومنتصر وسرى وفاطمة وراء والشيخ مزاحم اما بيت اسعد حماي راح اخذ مرتة وجهالة ببيت حماي علي لان هو صاحب اطفال فثائر اقترح عليه ياخذهم هناك والبيوت الي حولنا جابو النا فرش وبطانيات ومخدات للبيت لان جان بي هواي نواقص لان محد مستخدمة واولاد عمامهم جابولنا العشا الحلو بيهم كلش متعاونين يعني عبالك بيوتهم المحتركة مو بس بيتنا خطية كلساعة واحد يجي ويجيب شي وياه بفضلهم محسينا بعازة صبينا العشا سناء تحضني : ولج سهوة هيج انتي عزيزة عدنا واحنا ما نعرف خية الحريجة بينت محبتج بگلب محبوبج الي تسودن وذب روحه بوسط النار صار يحترك بالنار وهو مو واعي على حاله جانت تحجي واني اصب بالعشا وابتسم اكو اية جنت دائما اقراها بس ما جنت ادرك معناهة ({وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ}) جان وقوع حسن وجرح ايدة وانشغالي وخوفي عليه بيها حكمة شكد بلحظتها جزعت وخفت على حسن بس الله دفع ما كان اعظم رحت اشوف حسن شفتة كاعد بصف سرى ويباوع وياهة بنقال منتصر العاب وفاطمة واكفة ويانة بالمطبخ تساعدنا حضرنا الجاي بعدما عدي اخذ العشا للهول للحوش الحولي جان بيتهم بي غرفتين وحمام وهول حولي يسمونة حوش ومطبخ صار توزيع الغرف الشيخ مزاحم والولد بغرفة واحنا وسناء بغرفة والجدة بعدها بالمستشفى جانو بناتها الكبار يبارونها ويديرون بالهم عليها بعدما خفت الرجل عن بيتنا والولد خطية كلش تعبو اتصلت على نور تدزلي كم دشداشة من عندج الي وللبنات خطية اجة عمو وناصر جابو علاكة الملابس الي وللبنات وخطية حتى جايبين للولد كم قطعة من ناصر وحارث سمعت ثائر يحجي وية حارث ويضحك : ولك حويرث شكد جنت اتخبل منك واكرهك وما اشتهيك بعيشت الله اتفاجئت بكلامه شلون يحجي وية حارث هيج خطية شكد زحمة كمل كلامه : بس بيوم دريت بيك انت الي ماخذ سهوة وحسن صرت انت سبب بابعادهم عن الحادث شكد حبيتك بلحضتها صرت ممنون الك بروحي ونذرت شتطلب مني انا انفذة حارث يضحك: عمي كلشي ما اريد منك بس كفيني شرك ابسمت على كلامهم رجع كمل كلامه : لا بس صدك اطلب منك طلب وما تردني : كول امر ركبتي الك سدادة : اريدك تتوسطلي عند جدي وابوي يعجلون بسالفة خطوبتي من اخت صاحبي عجزت وانا اقنع بيهم حتى يوافقون وجدي كل ساعة مطلع لي سالفة يا رواء بنت خالك والقريبة احسن من الغريبة وابوي من سمع كلام جدي من ذاك اليوم وهو رافض فكرة اخطب البنية ابتسمت على كلام حارث وانا كل هاي المدة متخبل منة طلع الكرود عاشكلة وحدة ويريد يتزوجها : هاي هي اعتبرها صارت من نصيبك بس انتظرنا يستقر وضعنا واني بيدي اخذهم واروح اخطبها الك شفتة اقترب مني وباسني من راسي : كفو والله يالوحش الله ما يحرمنا منك وين جان عني الحرك الي حل مشكلتي لو ادري جان من زمان انا بيدي احرك بيت جدي وافضها كلنا ضحكنا على كلام حارث رغم النكبة والشدة بس بعدة الامل موجود بگلوبهم وما شفت بيهم واحد يتحسر على حريق البيت بالعكس شفتهم زادو بالحمد والشكر وبيهم من صلى ركعتين شكر مثل جدهم وسناء وبيهم من ذبح ذبيحة جريان دم وانطاهة للفقرة دفعة بلة عن اهلهم مثل ثائر اما ثائر وما ادراك ما قائر فهذا لوحدة عالم خاص .......... فتت للحمام وسبحت حتى انفض عني تعب اليوم وريحة الحرك والشعواط ولبست دشداشة نور عزة بعينج هاي العوبة دشداشتها مفصلة جسمي يالله خلي اطلع هسة شي اكيد حمويني نامو لان من دخلت للحمام شفت البنات بدو يفرشون طلعت من الحمام والمنشفة على راسي جانو مطفين الاضوية ومبقين بس ضوة المطبخ جاي ادخل للغرفة وانتبهت على ثائر كاعد عالدرج اتفاجئت همست بصوت ناصي خاف احد يسمعنا : ثائر ليش كاعد هنا عالدرج ليش ما رحت نمت يم جدك والولد ابتسم بتعب : ما اعرف انام الا بحضنج يسهوة اتسعت عيوني وابتسمت : لك ثائر احنا بيا حال وانت تدور حضني حتى مكان ماكو همة بس غرفتين قابل اخذك يمي تنام بيني انا والبنات لو اني اجي انام يمك بين الولد والشيخ مزاحم حتى نصبح على ضربة عصا من الصبح ضحك : لا اليوم انام بحضنج انام بس لا بغرفة البنات ولا بغرفة جدي صفنت بتفكير: لعد وين اشرلي على فوك وباوعت بستفهام : شنو قصدك : ولج سهوة شلعتي گلبي صعدت النا فراش وفرشتة فوك بالسطح صعدي كدامي وانا راح اجيب دولكة ماي واصعد وراج صدك ضحكت على افكاره الجهنمية ههههه صعدت كدامة واجة وراي سمعتة شهك بصوت هامس من احتركت عشيرتج سهوة منين جبتي هذا الثوب الله ياخذج شنهي ما عاينتي على جسمج من لبستي سألتة بستفزاز : لا ما انتبهت هسة شدعوة عليك محد راح يشوفني جنت اصعد كدامة على كيف واتدلع عليه فتحت باب السطح وشميت الهوى جان محمل بريحة الطين الرطب والزرع وخيط ريحة حرك بالجو اوووووف افيش ولج سهوة دير بالج اشوفج نازلة بهاي الدشداشة احرك عشيرتج ولج انا لحد يومج هذا ما ناسي سالفة ملابسج مالت الكلية بيوم اجيتيني تفرين بروحج بملابس اختج بيومها خليتيني اتگلب تگلب من وراج ابتسمت : اهووو بعدك تتذكر : ليش هو انا شوكت نسيت حتى اتذكر سحبني من ايدي وكعدني عالفراش ولج سهوة تعاي نامي بحضني خليني اصدك انا موش بحلم اتمددت بصفه واستندت على صدره ورفعت راسي اباوع عليه : صدك خفت علية مد ايدة على شعري الرطب وفتحة ووكع على وجهة وصار شعري مثل الستار يحيطنا اني وثائر جر حسرة وشم شعري : ااااخ يسهوة شجم دوب اعلمج هذا الي بصدري ما يوم خفگ الا بيوم شافج شتتوقعين راح يكون حالي من بعدج غير مثل حال مسودن فاقد عقل يمكن اعيش وراج صحيح وراح اكمل حياتي بعدج لان محد يموت ورة الميت بس الروح ما تطيب الهة العيش من بعد عينج ما ضن اكمل حسيت بي سرت رجفة بجسمه وكأنما اتذكر موقف الحريق حطيت صبعي على شفايفه : اشششش كافي ونزلت راسي واخذت شفايفه بين شفايفي ما حسيت الا صار تبادل بالاماكن وصار هوي الي يعتليني وهنا وبهذا المكان عشنا احلى لحظات واتقاسمنا اجمل شعور حسيت بكل حركة وكل حضن من ثائر كأنها كانت رسالة يوصلي مدى خوفه من فقداني وحبه الي واني كنت اتلقى شغفه بأيدي مفتوحة وبحضن مرحب بي ............................... نمت واني بحضن ثائر وغفت عيوني كعدنا الصبح على ضوة اشعة الشمس وعلى صوت العصافير وجان الذبان يفتر على وجهنا هههه باوعت لثائر هم مثلي منزعج يحرك بيدة على وجهة ويطرد الذبان ضحكت بصوت هامس التفت عليه وحجة بصوت خشن من اثر النوم : هَـا كعدتي : اي بس بعدني نعسانة وهذا الذبان لعب عليه اباوعلة كعد وجر الشرشف من جوة رجلينا وغطاني اني وياه بالشرشف حتى روسنا صارت تحت الغطا وصرنا واحد يباوع عالثاني : شفتي شلون حل اليابان بكبرها ما توصلو لهذا الاختراع وجان يباوعلي بنظرات مشاكسة صرنا نصحك مثل الجهال : بعد شتردين خدمة بفندق خمس نجوم ولا اروع : اي طبعا منو مثلي الوحش بذات نفسه يفرش فراشي ويغطيني ويخلي صدره وسادتي همست باذنه لو احجي للناس الي بالسلف واكلهم وحشكم يتحول بخضني عصفور هاديء وحباب شنوتتوقع يكون ردت فعلهم : راح يكولون عليج مخبلة ويدعولج بالشفاء العاجل لان محد راح يصدكج ابتسمت على كلامه الواثق حسيت على ايدة انمدت على خصري وصار يدغ دغني وكعدت اتلاوة وياه عطت : لا لا لا ثائر عليك الله كافي والله اغار وصرت اضحك : ولج سهوة فضحتينا راح تلمين علينا الوادم بهاي ضحكتج الي تجيب التايه وتحولت ضحكتنا الى همسة شغف ووووووو ..... طبكت ورتبت الفرش ولميت شعري ولبست شالي وثائر نزلهم جوة نزلت وراه جانو بعدهم محد كاعد بس شكل نومة السطح تخلي الواحد يكعد من وكت سمعت ثائر همس بصوت ناصي روحي دخلي بسرعة سبحي قبل لا يكعدون رحت دخلت سبحت وكملت ولبست دشداشة جبيرة من عذراء دازتهة وية الملابس اي على الاقل هاي جبيرة علية احسن من ذيج ............... كعدو البنات وثائر طلع من الحمام ينشف شعره وعدي دخل وجان شايل بيدة علاكة بيها بيض وخبز حار وبطل حليب اخذتهم من عندة رواء ودخلنا للمطبخ جنا نسوي ريوك وعمة سناء كعدت تسوي سياح(خبز من طحين التمن ) للولد وثرمت البصل ناعم حتى نكلي وية البيض : تدرين رواء من الخبصة والهوسة ما سئلتج شلون احترك البيت وكعدت رواء تحجيلي عن الحريق : والله خية انا طلعت اخبز وعمتي سناء مثل ما تعرفين جانت كاعدة بغرفتها مالهة خلك علمود جدتي بالمستشفى وزينة وانتي عفتكم بالمطبخ ما حسيت الا على صوت مثل الانفجار وسمعنا صوت صياح سرى وفاطمة خية دخيلك ربي هي لحضات وما نشوف الا النار طلعت من غرفة سرى سرى تكول طكت الجوزة مالت السبلت ولكفت البردة منا على ما نزلو البنات يعيطون وعمتي وزينة طلعو الجهال وانا ركضت عليج حتى اصيح سمعنا صوت مثل الرعيد فوك يم غرفتكم عبالك تريد تمطر وكبت نار موش طبيعية اكلت محجر الدرج هذا الحجي البيت انترس ترس دخان وصخام خفت اصعد فوك بس لجحت وحدة فتحت باب غرفتكم تريد تطلع منها بس النار حالت بينها وبين الخروج انا عبالي انتي وصحت : سهوة نزلي بسرعة بس اشو انتي رجعتي سديتي الباب وانا ضليت اصرخ ركضت برة احشم بالوادم حتى يلحكون على بيتنا وصرت اصرخ ومنا على ما وصلت الناس وتحزمت جانت النار استفحلت بكل البيت وبعدها وصل ثاير وجدي والربع وشافوني اصرخ سهوة بالبيت شبت بيها النار اي لا ن سجى من دخلت شفت طرف ثوبها لاحتة النار بس بعدين من عرفت ان الي احتركت سجى استغربت هاي شنو جانت تسوي بغرفتج ظليت صافنة استغفر الله اتوقع جانت تريد بينا الشر والله دفع سرها عنا صبينا الريوك وكعدنا كلنا على فرد صينية والجد ظل يتحمد ويتشكر على نعمة الله عليهم : شوفو يابعد جدكم ما اريد الي صار عالبيت وحلالكم يهزكم ويحزنكم ترة الله من ياخذ منا شي ينطينا ويعوضنا بالاحسن والافضل من الي اخذة ترة يابوي المال بعضود الرجال احنا الي نجيب البيت مو البيت يجيبنا وصار يشد من عزيمة احفاده بهاي الكلمات ً يالله هذا الشخص شكد احبة شايل حكمة وراجحة عقل محملة بخبرة السنين جعلت منة انسان واعض وحكيم حسن ابني اخذتة نور وحارث كالو خلي عدنا لحد ما تستقرون وانة عيني عليه ادير بالي على جرحه ........................... عدت الايام وثائر اتفق مع شركة مقاولات استملت بناء البيت وجدتهم طلعت من المستشفى وراحت لعند عمة منتهى حتى تدير بالها عليها وعمو ابو ثائر اخذ ابنة الصغير وراح بيت علي حماي هناك وكل يوم البنات عذراء ونور رشا وسلمى يجون عدنا وحبيبتي نور بشرتني بحملها وفرحتلها دخل علينا عدي : صبو جاي جاي لان اجو شيوخ يم جدي باوع للبنات وضل يصنف : بس اريد اعرف احترك بيتنا وما خلصنا من عندكم كل يوم مجتمعين عدنا انتو والشيوخ كولو خطية هذولي فقارة ما عندهم بيت  ضحكت على كلامه عذراء: هَـا هيج صار الحجي جا انا رايحة لاهلي وخلك انت هنا الله يرحم منو جان صارلة ساعة يتوسل حتى يستعجل بالعرس سناء: يع يع خايب عديو عباك الله وين تريد تعرس بيا زلك واحنا ما لاگين مكان النا ناخذ راحتنا بي : لا عمة محلولة اتزوج فوك السطح واقسم السطح بيني وبين ثاير واحط بردة صار وجهي ينطي الوان عزة طلع الكل يدري بالخطة احنا ننام بالسطح شكد زحمة ...................... واني صرت كل يوم انتظر الليل شوكت يجي حتى التقي وية ثائر بالسطح ومرات اشوفة سابقني وفارش النة بالسطح ومرات اني انتظره واكون محضرة حب شمسي وبطل بيبسي وكلاصين لوازم السهرة بتالي الليل على كولت ثائر صعد فوك وشافني منتظرتة بالسطح ومبسطة واكرز حب شمسي ضل يضحك على منظري : خيانة بادية بالسهرة بدون ما تنتظريني جنت كاعدة متربعة واضحك على كلامه كعد يمي ونام بحضني واني دنكت اباوع عليه والعب بشعره : لا بس كلت اخذلي تصبيرة علما تجي ابتسم بالعافية بس كون بقيتي شوية اي بقيتلك : تدرين سهوة. انا كلت انتي ما راح تتحملين هاي الهوسة وكلت هاي يومين وتشرد لبيت عمها ما تستحمل هيج اجواء وانتي بنت بغداد ترفة والبك (البق) اكلج اكل بالسطح فوك ما انة ماكلج : تدري هاي نومتنا بالسطح وانت وياي عندي بكنوز الدنيا ما ابدلها من انتقلنا بهذا البيت البسيط التعبان اكتشفت ان الترف والبذخ مو سبب لصنع السعادة بين المحبين لان بالرغم بساطة هذا المكان كدرنا نخلق شي خاص بيني وبين ثائر واتوصلت الى قناعة بساطة العيش والشدة احيانا يكون له يد بأكتشاف سعادة مركونة في قلوبنا لم نكن نراها من قبل بسبب الانشغال عن بعضنا بمشاغل الحياة للعيش ببذخ ونسيان الاهتمام ببعضنا ..................................... بعد مرور سنة اليوم زواج عدي من عذراء وهسة همة راح يزفون العرسان هنا ببيت الشيخ مزاحم الجديد فعلاً الله ياخذ شي ويعوضنا باحسن منة كان البيت بناء جديد وحلو ومرتب طبعا كانت عذراء جداً سعيدة وطالعة جنها اميرة بالابيض ثائر: سهوة صعدو العروس بغرفتها لان راح نزف عدي رحت دخلت عالبنات وصعدنا عذراء ودخلت عمة منتهى تساعدها واني نزلت لعد عمة سناء نسلم عالنسوان الي بدو يطلعون لان العرس شارف عالانتهاء ................................ جنت كاعدة بالمطبخ انتظر ثائر يعزل العرس ويسلم على اخر واحد بالضيوف وية جده لان كان عرس عدي جداً ضخم وتعبنا كلنا بعدما زفو العريس قبل فترة وضحكنا كلنا على حجي عدي قبل لا يدخل لغرفتة : دخيلك يالله شنو هاي قنبلة موش مرة دخل وناوي ينتحر بيها ثائر : ولك خايب عدي ادخل فوت جوة فضحتنا وزفو اخوهم ونزلو ورجعو يم جدهم بالديوان ........... دخل للمطبخ وشافني منعسة اغمض عين وافتح عين : هاي شني بعدج ما نمتي : لا انتظرك :وين حسن وسرى : نامو : اهااا يالله خل نصعد مد ايدة ولزم ايدي وصعدنا ودخلت للغرفة وسمعت صوت باب غرفة عدي انفتح وطلع منها وحجة وية ثائر اباوع عليه بس هو ما شافني جان شكلة مخربط وشعرة مهوس مثل الي جان بعركة ههه مو عريس سمعت ثائر سئلة : هَـا خوية ابشر : ولك خوية انفجرت بوجهي القنبلة وصار اخوك احد الضحايا : يعني شنو حمامة غراب : ولك خوية طلع هدهد : الله يلعن بليسك بس لا اذيت البنية : ولك ياخوي شأذي منها خايف على بنت الناس دتعال شوف حال اخوك شصار بي ولك شبعت رفسات من وراهة .................................... اختي نور جابت بنية وسموها زهراء وفاطمة حبيبت گلبي اتزوجت ابن عمها بعدما الشيخ مزاحم كعد وية اهل فاطمة ومحمد وية ثائر وفهموهم السالفة طبعا صار اعتراض من اهل فاطمة واشكال بالموضوع لكن كدر الشيخ بدهائه واصراره ان يزوج فاطمة ومحمد وكان العرس كلة على حساب ثائر سرى بدت تكبر واستملت مسؤلية حسن صار مثل اخوها الصغير وكل عطلة تروح تزور امها شهر وترجع اما عمي ابو ثائر خطبولة خواته سناء ومنتهى مرية ارملة عمرها بنهاية الثلاثين من السلف وعزل بيها ببيت وكعدت تربي ابنة طبعاً يوجد هواي مشاكل بالحياة لكن نكدر نكول اجتازينا الاصعب منها  فيا احبتي ارجو ان استطعت ان اوصل لكم قصة ثمار العار بالحلال بما تحمله بين طياتها من معاني وعبر وحوادث كانت كلها مستمدة من ارض الواقع اتمنى لكم قراءة ممتعة