كوه أخذتني عقيله للحمام أسبح هي نزعت ملابس...وهي تغسل شعري تجيب طاسة المي وذب على جسمي حتى الماي أحسه يوجعني "وچنه جمر یعني أني أسبح وهو جوه التراب رفعت راسي العقيله -مو اليوم لازم عرسي...مو لازم أسبح بحمامهم ليش هيچ یصیر بیه... تدرين کلي أني الچ شیفکچ مني لا تتحديني... طلع مو كد التحدي عقيله.... أني فزت عليه....اريد اصرخ عقیله کولي البچي رافض يطلع مني صدري ضاك عليه...مثل صخره عليه.. کملت سبح...آخذتني للغرفه...صاحتها ماما راحت وكفت عل المرايه واني أشوف وجهي الشاحب اتلمست أعيوني..الي چان یتغزل بیهن.. آشفافي"الشامه" خدي كلشي يذكرني بيه.. نزعت الخاولي من شعري...
كلشي واكف عندي بهل لحظه"الوجع"الأحساس"الألم بس دموعي رافضه توكف... تنوعت الشعري وللخصل الصبغتهم..واني امشط بارهاق المن خصلتهن... زين هاي أول مره أطول شعري...واصل الظهري طلعت مكص من المجره....وجريت الخصله المصبوغه كصيتها... جريت الثانيه كصيتها...أتنوع للمرايه... -انت مو ردت خصل قليله....هاي اني مااريدهن بعد كصيتهن كلهن واني ابچي... رحت تمددت على الچربایه....طلعت صورته من حاط ایده علی چتافي... حبيبي وين رحت عني زين ليش مافكرت بيه...علقتني بيك حتى تعذبني مو تدري راحت روحي وياك... ماانام اله على صورته....لو اتخيله يمي يسولف وياي زين من مشيت من يمي ليش بضحكه حلوه.. بوستك اليه بوست موت... تعبت عباس أشلون انساك... زين اشلون أعيش....أبوس الصوره جامده شفت اشلون جريئه اني زفيتك بيدي.... حتى الفرشه الي فريت السوك عليها... نطيتك ياها...وياها روحي"وگلبي"وكل شبابي كل يوم الفاتحه اروحلها...من اروح أشيل حزن اليل وادخل قويه... قويه الأجل أمه وخواته...برغم أكو نسوان يصچمن البیهن تکول"صلفه"الثانیه فكر"الثالثه دکول چساحه واني همي أمه واني تنوع الها وهو یگلي -أم شامه حبييه من أستشهد أوعديني تصبرين أمي وماتركيها..وثانيآ تزفيني زفة عريس وفيت ديني له كعدت يمها واني أمسح وجهه -عمه لا صرخين هو راح يم غفور رحيم راح شهيد تدرين عمه الشهيد مكانته شنو.. تتلكا الملائكه ويزفونه الحور العين..هسه هو متونس وانتي تبچین.... شوفي عمه باچر بیوم الحساب یشفع السبعین واحد یشفع الچ والي...احچي بچذب ودي أصرخ. بس أشوف امه تسمع اليه حضنتها وابچي كل يوم أروح الها وتعدى الغرفه الي لازم نزوج بيها فتحت الباب واشوف شلون مرتبه.. حتى نشرات حمر مخلي...اختنكت واني أطلع عشر ايام واجازتي خلصت...اصبر روحي بلقرأن ودعاء الاكل صار مر بحلكي وتركته بس اكل على كد مااقوي جسمي... كرهت بلدنيا كلشي...أفرش السجاده واسجد...واشكي الله... مااكوم على التربه مبلله من عرق جبيني... يم ماما وبابا قويه واسولف.. لأن مرضى اخاف عليهم.. يجي اليل أحضن عقيله وابچي...وتبچي وياي حضنها صبرني...بدفوه وهي تقراء عليه... رفعت راسي الها ... -عقيله باچر دوام یا هو الي يحجزنا بسياره.. وياهو اليغار علينا بعد من روح للجامعه.. مسحت دموعي.. -ليش هيچ غفران مو آنتي تقرين بدعاء بأبي أنت وأمي ياأبا عبدالله... اشو انتي بس زوجج وماتحملتي.. صيري قويه....الاجل الحجه المنتظر عليه السلام من يشوفنا جازعين على الشهاده....يتأذى الدنيا دار بلاء.... والأخره دار القرار....تحملي الاجل ذيچ الدار.. کعدت آگبالها....ودموعي الماتخلص -والله عقيله بلعافيه عليه الشهاده بس فراكه عذبني أمير المؤمنين شيكول...مو أصعب من الموت فراق الأحبه... وهو الحبيب"والزوج"الي ماتهنيت بيه.. حضنتي وهي تبچي...مدري عليه تبچي "مدري على مهدي المهم اريد حضن يدفيني يجي الليل برغم الغرفه دافيه...ارجف برد صبح الصبح...لبست صايه سوده وحجاب اسود.. وعبايتي السوده...نزلت حجابي كلش.. طلعنا بشارع وكامشه ايد اخوي علي..وعقيله واني بوسطتهم ..هم يكودوني مااريد اشوف صورة عباس معلكه براس الدربونه شفت سيارت الجامعه...وطلاب يصعدون زين هو وينه... -علي خويه خل اروح للباص بلكن سابقنا شدكول -كافي يختي والله حزنچ تعبني أمشي عقيله أجر تكسي الچن.... رکبنا السیاره...وعیوني للشارع بلكن اشوفه وصلنا للجامعه عقيله راحت الكليتها .. ايناس اجتني جاي أدخل للكليه... واشوف لافته مكتوب تنعى الجامعه شهيدها البطل عباس..بتاريخ الفين واربعطش الشهر الثاني عشر الذي استشهد لاجل الوطن"والعرض"والمقدسات ومخلين صورته وهو حاضن السلاح...ومبتسم... ولحيته... ايناس حاضنه ايدي..عيوني لصوره الچبیره...تقربت تلمستها صدك كلشي بيك تغير قبل لا تستشهد حتى شكلچ تغیر وطبعك... چنت تخابرني وأستحي من جرئتك ومن صرت بلحشد...صرت أبن ألأخره تحچي كله بشهاده وكل حچیك طاهر.... شقاك قليل"ضحكتك"تعليقاتك حركاتك"كلشي يكول انت ابن ألأخره مو الدنيا.. رفعت راسي للسما مهنا ياعباس بس چان ماخليتني إحبك...هيچ طاحت جنطتي والملازم رجلي ماشعرت بيهن ثكل بكل جسمي طحت ساجده للكاع..... وايدي تسندني بس دخل بيها كزازه اشوف الدم والجرح چبیر...بس عیوني للصوره اجتني العامله...وايناس سندني أكوم عقيله وهي دكومي.. -شسويتي بروحچ غفران...ایدچ مشکوکه خل نخيطها -ایدي مايهم ولچ کلبي شي يخيطه.. اخذوني للمضمد... وبالي صورته والنعي... اريد أچذب الموت" عباس ماميت رجعت للبيت عبايتي متربه من الكاع.... اشكد چانت تلمع من چان عباس یمي.. شافتني ماما وهي ظلت تبچي.. -كافي غفران ولچ مات تموتین روحچ.. -اي ارید اموت وراه...المن اعیش کولو جرتني من ايدي وهي دكعدني...بقوه -شوفي غفران ...يجوز تعرفين عمچ‌کامل... -اي اعرفه...الله يرحمه -عمچ کامل چان زوجي وأبو ابني احمد.. أزوجنا وچان نعمه الزوج.. الکل حسدني عليه جمال وطول...وفوكها عقيد وشخصيه.... يموت عليه دللني دلال...تلث اسنين كامله أحلى شي حملت وجبت أحمد اخوچ... حرب آیران صارت...عمر احمد سنتین. حلو علی آبوه....چانو الشهداء يجون بيكمات ويوزعوهم عل بيوت...خصوص الرتب كل تابوت عليه علم...هاذا شهيد الهل بيت ومن جابو تابوت كامل...ماصدكت.. تعذبت بفراكه ونذليت...خلصت العده عند عيالي رجعت الأهلي... جدچ ابو کامل راد احمد...دزیته اله لآن اخواني منعوني اروح.... قنعهم عمي ابو كامل...ورجعت سكنت عدهم... علمود أحمد الي صار يتيم... كلما رجال يشيله يسميه بابا... ابقى عند اعيالي...يكولون تايهه محد الها ارمله وتفرفر بلبيوت... ارجع الاهلي الخدمه والضرب والأهاين... اجاني حجي ابو كامل خطبني الابوچ رفضت لأن شاب حلو وزغير...واني ارمله واكبر منه بخمس سنين... بقيت ياهو اليجي ارفض....لان اخاف ياخذون احمد بيومها قنعتني امي اقبل بوالدچ... من اجدچ قبلت الآجل احمد ابني... وزوجة والدچ الي صار اليه زوج...والأحمد أب مثالي ماأكلچ نسیت کامل... کامل آول حب..وچان کشخت زلم.. بس تقبلت الواقع بآیماني بالله... وصرت الوالدچ نعمه الزوجه... والدچ حنین عوضني عن كامل بحنيته.. حباني وحبيته على حبه اليه.. فانتي لا ضيعين روحچ... وضيعين سنين بلبچي الراح ميرجع... واخذيني تجربه...تازمة ست اسنين شنو رجع... لا...بس صحتي ادمرت... ضحيت الاجل احمد...وهسه اضحي الاجلكم فلا تتوقعين القوه اجتني من فراغ... اجتني بعد مادكت طبول على الراس -هيچ انتي ماما...واني اكول قويه.. -اي قويه لأن أومن بقضاء الله وقدره... "من لم يؤمن بقضائي وقدري..فليخرج من سمائي وأرضي" يعني نطلع من رحمة الله...ومن عطفه لازم نقوي روحنا...بحسن توكلنا على الله.. ونؤمن انو كلشي يصير...من تدبير الله وبعينه نهضت ورحت للغرفه... أفتح الدعاء كميل "للّهُمَّ اِنّي اَتَقَرَّبُ اِلَيْكَ بِذِكْرِكَ ، وَ اَسْتَشْفِعُ بِكَ إلى نَفْسِكَ ، وَ أَسْأَلُكَ بِجُودِكَ أن تُدْنِيَني مِنْ قُرْبِكَ ، وَ أَنْ تُوزِعَني شُكْرَكَ ، وَ أَنْ تُلْهِمَني ذِكْرَكَ ، اَللّهُمَّ إني أَسْأَلُكَ سُؤالَ خاضِع مُتَذَلِّل خاشِع أن تُسامِحَني وَ تَرْحَمَني وَ تَجْعَلَني بِقِسْمِكَ راضِياً قانِعاً" صار الدعاء غايتي وسيلتي مرت الآیام ولیالي..كلشي اسود بعيني.. عشت علمغذيات....ابمكان الاكل الجامعه صارت گبر.... بکل مکان آشوفه المسطبه الي يكعد عليها جماعته عالكين اشموع بيها من اروح للقسم الستيج مالته.. مخلين صورته عليها... جماعته من بعيد يوكفون...اروح يمهم اكول هسه يجي ويضرب صاحبه...ويضحك بصوت عالي.. حتى ينبهني جاي وراح يجيني... صارت الاربعين رحت واكلي أمل ماالكى گبره وعایش زرت اِلامام علي ركضت للحضره.... ركضت طويريج وكفت يم الشباك الي هو بعيد عليه لأن هوسه... اريد احاچي أمير المؤمنين.. شدكول ياأمامي من اروح مالكى گبره...عايش زین احنا من نجي نزور عدنا حاجات وي حبنا ألكم... حاجتي منك ياأمير المؤمنين...بچیت بحرکه شکلك ياأمامي أريده عايش...خاف دكولون جازعه بس عندي طلب ياأبو طلبه سلملي على عباس... كله عفتلك نثيه مكسورة جناح.. عفتها بكسرت کلب..وکوم جراح.. سلملي عليه...وادريك توصل سلامي.. وعذروني اذا بچیت هواي... .آخذتني عقيله وأمي من ايدي... واسمعهن يسولفن هسه شوف الگبر وصدك بيه أستشهد... مااكدر اجاوب هذا الحبيب الي كلي بيه الأجله مستنفر... برغم كسرتي من الداخل...بس قويه اضاهر اسمع یکولن من خطبها مات اشو قويه وصلنا للگبر...والفرشه البيضه مفروشه عليه شمرت روحي عل گبر.... صرخت اعلی من صریخ آمه یعني مات....ااااخ عباس حبيبي كتلي هل كلمه لادكوليها الواحد غيري....وعدتك.. بس وين وعدك اليه... امه اصيح عباس جبت مريتك البارحه بلحلم ردتهاومني...اعذرني ياصاحب الزمان كمت من الگبر تركتهم وكعدت بعيد على كبر ثاني.... اريد ابچي وحدي أسمع شباب وراي لابسين مرقط.. يكولون.... هذا الولد عباس هو وجماعته قاتلو وهم عطشانين... تأخر المي عليهم...رحنا انجيبه الهم التانكر "وصناديك ولكينا الدواعش قريب عليهم...وهو وجماعته مقاتلين الحد مامخلص عتادهم والقناص من بعيد مصوبهم.....ومن اقتربو عليهم كل واحد طلقه براسه.. لحكنا بس على واحد صار بينا مواجه وي الدواعش...وقتلناهم كلهم.. بس وصلنا متأخرين..... بذيچ المناطق هواي خيانات...وراحت هلجنود بسبب هل خيانات...الله يلعنهم خونه ارید التفت علیهم عینی الصورته عل گبر...کتله .-بلعافیه یاعباس حچیت هواي بشهاده.. وردته وشلون شهاده حتى عطشان...كمت يم أمه.. بست صورته واحسه يضحكلي"ضحكتله.. -شون جرح جديد ياعباس..عطشان استشهدت رجعت الحزني وتيقنت مستشهد.. وعرفت من هوست يم تابوته(هاي الرادها وهاي التمناها)صدك هو راد الشهاده على طريق اهل البيت رجعت وارجع الدوامي اقوي روحي الاجل اهلي...بس الجامعه توجعني بجامعة عقيله....رحت لان اليوم حفلة تخرج...وضحك كرهت حتى الضحك....اجتني وكتلها .. -یله عقیله خل ناخذ أجازه مااريد اشوف جماعة عباس محتفلين بتخرجهم... لأن كلي بحفلة التخرج رح تكونين حامل و تصير بطنچ الحد خشمچ....راح هو وخلاني مايدري فراكه وجع.... وجعي واصل الحد خشمي جاي أطلع من الجامعه... انداريت فجأه...واشوف جماعته لابسين رواب تخرج ويضحكون...ويكصون صور...وصورة عباس مأطره شايليه وهم واكفين يكصون صور....وكفت أتنوع -شوفي عقيله عودتخرج عباس وياهم شايلين صورته يضحك ماشفت بعد اي شي بس واحد من جماعته حاضن الصوره..... وهم حاضنين الولد الي شايل صورة عباس يعني حفلة التخرج الكل كاعد على كراسي..وهذا كرسي خاص عليه صورة عباس... وهو لابس مناظر وقميص ابيض...وبنطلون اسود.. مثل أول ماشفته... كل جسمي كزبر...يرعش..كلياتي وجعني تخربطت خابرت عقيله على بابا.....يجوني وصور حفلة التخرج...وضحك جماعته مو لازم هو وياهم يضحك مو صورته تضحك... لكيت نفسي بلغرفه...واشوف ماما وبابا يبحوشون بغراضي....يلمون بصوري صورنا أني وعباس... عقيله كامشه ايدي... البيها كانونه...نهضت بحركه رحت الماما.. _شسوون بصورنا اني وعباس... لا كلشي ولا رسايل ماما ذني مصبراتني"بابا ارجوك..ليش هيچ سوون حرام علیکم....جرت ايدي ماما نزعتني الحلقه نداريت العقيله -عقيله حاچیهم...رح یحرکون ذكرياتي وي عباس امشي وراهم كوه...بثكل ركضت على علي اخويه... -مو اني اختك حاچیهم خویه...محد یفهم وصلت للطرمه... اشوف ماما خلتهن بل طشت...صور"کارتات"رسایل حتی الفکس البي حرفي خلته اجت يمي جرتني ماما تحضني... -علمودچ بنیتي رح تموتين"وتموتينه" هو راح استشهد وانتي كل يوم حاضنه الصور وتنامين عليهم هواي انطيناچ مجال... ارد کوم دایخه... بس عیوني تتنوع للصور شلون يحتركن... اخر صوره حتركت وهو حاضني اريد احچي اتوسل حلكي انكتم....اتنوع الباب وهو يكلبهن حتى يحتركن...... -هذا المغذي مالتي ليش بابا وصلت للطشت بس فحم فحم مثل گلبي... سنه كامله على ستشهاد عباس...اجتني اخته وهي تنزعني الاسود...اخذت الكلبيه الجابتها.. واسمع امي دكلها -عينكم على أمچ...عباس استشهد بس آرید منچ بنتي بعد ماتروح وياكم للگبر... من القهر صار عدها عجز بلکلی...وبثنینهم.. ختمت القرآن اربع مرات له هاي السنه...بس شوفتكم تذكرها ومن تروحون أطيح..ونركض بيها للمستشفى سلمي عل والده....وهي تحب غفران ماتعترض .......... من استشهد خطيب غفران...اجلت كلشي چنت معجب ببنیه ویاي بلجامعه.. وقررت من إخطبها من تزوج غفران اختي.. تخرجت وبالي زهراء زهرء ابنيه نازكه بجمال بسيط.. راقبتها سنتين كاملات من تخرجنا أعترفت الها بحبي وهي الظاهر مثلي...تحبني حبيت تواضعها رغم غنيه....بينا اتصال بحدود ابيومها طلع تعييني.... وتصلت على زهراء.. كتلها أجي اخطبچ وافقت.. بس بقی عندي خيتي غفران وكسرتها... رحت للغرفه ولكيتها تقراء قرأن...سدته ندارت عليه -كول خويه علي..كعدت يمها بست راسها -سالمه اخوي ابو شامه...ابتسمت بحزن شوفي خيتي احب وحده من سنتين وتانيت اخلص جامعه واعترفلها... وصدك من تخرجنا اعترفت الها...بحبي واخذت رقمها... وتواصلت وياها بحدود الدين.. واريد أخطبها بس افكر بيچ... وانتي البارحه نزعتي الاسود... شدكولين أخطبها....لو واهسچ ماكو... -لا خويه اخطبها واني اروح...يوم السعد اشوفك عريس عباس راح شهيد...واحنا انريد شفاعته -خرب حظچ یاغفران دومچ تخفین وجعچ.. --لا یخوي الوجع بقرأت ايه بتدبر تنسى... -ربي يبرد گلبچ ياگلب آخوچ.. نهضت فرحان واني اخبر ماما...الي هلهلت والعصر راحت هي وعقيله"وغفران يخطبون چنت متخوف اهلها اغنياء يرفضون... بس رجعو بقبول... صار يوم الجمعه...واحنا استعدينا للخطبه.. والدي جهز الغرفه..والذهب كلشي كامل... احلى خطبه صارت واني أشوف حبي زهراء يمي الله سهله الخطوبه بشروط بسيطه.... وبديت اجهز للزواج... اخوي الچبير.. احمد ساعدني شال العشاء.. وحضرنا للعرس واشوف الفرحه بعيون اهلي.. وخصوص خواتي عقيله"وغفران"فرحلي رغم كسرتهن اشكد تمنيت اشيل من سعادتي الهن وانطيهن وينسن وجعهن... ....................... مااعرف ليش تأخر سيد مهدي عليه.. وبعد استشهاد عباس.. خفت لا صار بيه شي..واني كل يوم أدعيله كل يوم استودعه عند الله وكله -يارب هو ودعيتي عندك يامن لاتضيع عنده الودائع هل شي مطئمني هو سالم من راحت ماما عليهم.. وراها التهينا بمصاب غفران... خالي بعد ماجاب طاري الخطوبه... بيومها عمتي الصبح ملاكيه وحده علويه اسمها زينه وعارفتها هاي عمة سيد مهدي ... ومسولفتله عن خطوبتي...العلويه زينه ضايجه..كايله -شنو عقيله غير مقري فاتحتها..على ابنا سيد مهدي عمتي كايلتلها انتم تاخرتو..... واحنا تأخرنا چان زوجناها...من زمان لآن عدنا مصاب زوج بنتنا...بس احنا خبرنا وحده من حبايبكم....شعجب ماكالت... فتاركتها عمتي ...ورايحه بنفس اليوم من لقاء عمتي والعلويه زينه أندك باب بيتنا طلعت افتح الباب واشوف السيد الچبیر...بثوبه الآسود وشطفته السوده...الرحمه الي بوجه...خلتني اضحك وهو ضحك ورى خيالات مافرزنتها... رحت الماما فرحانه... -ماما هذا السيد الچبیر صديق جدي...یمه اجو طلعت آلهم ماما....وهي دخلهم.. عيوني من ورى الباب .. واحد مثل طول سيد مهدي....لابس قميص مارون وبنطلون اسود....وخطيه واحد يعرج ويمشي كوه مغطي وجهه بشطفه خضره...وبيده عكازتين نقهرت عليه.... لأن السيد الچبیر...واحد رجال سانده عیوني الأبو البنطلون... بس من ورى شفته... شعره بيه خيط شكار من جوه...هذا سيد مهدي نفس أناقته....نفس لبسه...وسامته كون يدور وجهه....دخلو للديوانيه...رفعت راسي -يارب اشكرك على رحمتك عليه...يمي غفران حضنتها وهي فرحانه الي -اجو اجو شوفي بس سمع بيه رح انخطب اجى مو اكلچ یحبني... مو اكلچ یریدني... والله مااشك لحظه بحبه اليه... بس اشوي شعره بيه شكار...خاف بس من ورى لأن سيد مهدي شعره أسود فاحم.. حضرنا الشايه وبيدي السبحه... طلعو واخوي الزغيره ياخذهم الولدي... الي لازم يوافق.....ساعتين تاخرو واني حضرت نفسي لبست جبه مخصره... وحليت شعري...وشمرت الشال على راسي وكل ظني رح يجي واكعد وياه الكعده الشرعيه اشوي ورجعو الساده البيتنا وبعد هوي كلام سمعت صوت الصلاة على محمد وال محمد...طلع باب كال - قرينا الفاتحه...تعالي اوكفي ورى الباب السيد الچبیر رح یعقد... لبست عبايه فرحانه....والسيد الچبیر هو الوکیل ویردد طقوس العقد..... واحلی کلمه من کلت قبلت وخالي يمي.. تمنيت اخوي علي يمي لان طلع للزياره.. اسمعت صوت سيد مهدي...بس تعبان ردت اسئل خالي ...الي واكف يمي...شبيه خلص العقد..وندك الباب وأجن نسوان تلاثه.... وياهن وحده لابسه مخصر وتباوعلي صفح.. طلعت ام سيد مهدي جنطه بيها علب مال ذهب وهي تلبسني كلاده چبیره... وحلقه....وسوارت عشره... طلعت علبتین کل علبه بیها طخم... کالت هذا واحد ذوق سيد مهدي... واحد من جدج السيد الچبیر.... فتحت جنطتها انطتني خمس ملايين...كالت -لاتخلين شي بنفسچ...اندارت ماما علیهن -بلا زحمه خل نشوف صور السيد زوج بنتي طلعت ام سيد مهدي الموبايل وهي تراوينا... صوره مال حفلة التخرج... وصوره من هو بلجامعه وصور من هو بأربيل...وصور لابس زي دكاتره غفران ندستني وهي دكلي -ولچ حلو خوش شاب...بتسمت ابفرح -ها مو کتلچ یخبل .... ماما کالتلها لیش تآخرتو...سنین وهاي الثالثه يجوز كالت ام سيد مهدي.. -صار حادث وي ولدنا ومات من عدنا دكتور ابن حماي... وسيد مهدي ابني مجرد اشوي ايده تضررت وهسه نعمه من رجع الصحته... فقررنا نجيكم....عقيلة بنتنا..ترى طلعو واني فرحانه...والذهب بيدي يدندش كالت غفران.. -صرتي چنچ معیديه بهل ذهب الهواي...ضحكنا وهي فرحانه اليه.. بس أفكر بشعر سيد مهدي...ليش بيه شقار من ورى يله مو مهم المهم صرت زوجته ........💙ي....عذروني بسبب تاخري لان والدتي مريضه انشاء الله اعوضكم.. الجزء الخامس عشر ........... طلعنا الصبح للجامعه....اني وعقيله..وأيناس وبطريق سمعت واحد يتغزل بينا... عيوني صارت للشارع تلث اسنين محد مجاوز ومصچمني راح عباس...وهیچ تعرضت هو الرجال تروح...وتبقى اشباه الرجال حسرتني دمعه...واني اكتمها.. صعدنا للباص...ايناس يمي كالت -لاضوجن هذا حمودي أسبايكي راح صكاره رجع يوكف براس الدربونه ويصچم... سنه ونص على فراك عباس اليه ابد مانسيته ضحكته وشقاه... بكل مكان اشوفهن تذكرت من أجى أخر جيه... ويحسب يوم يوم حتى يلتحق بلبجبهه...وهو يكلي -مريتي اريد السبع أيام يخلصن..لأن سيد عزام خابرني يكلي كعد نهجم.... اشلون يهجمون ويقاتلون من دوني.....دمعت عيوني واني أحاچي.. -زين أنت ماتحبني عباس ليش تريد تقاتل..حتى تموت ضحك وهو يحرك حواجبه الحلوه.. -ماكو واحد يموت ناقص عمر...يجوز هسه احچي وياچ وتجیني موتت الغفله... هنا الفرق الواحد يموت موته شنيعه...لو يموت شهيد ويظل خالد... ثانيآ ليش تفاولين عليه....مو أني ازوجچ ونخلف یله اموت وعوضچ بدلال"وحب اتلفت الباص وکف... شتعوض ياعباس.... وين عوضك"وين وعدك.. نزلت واسمع ضحكته...ادور وين طلعت أتخيل...اشوكت أنسى"أشوكت أموت دخلنا للجامعه... صديقاتنا نور ماكو التفت على ايناس.. عقيله اشرتلي أسئلها.... -ايناس حبيبه شو نور ماكو...كلتها بضحكه هي دارت وجهه من عدنا.... -اي وليش أضحكن عليه..... -وداعتچ مانضحك بس انريد نعرف اذا ماتردين تحچين براحتچ... مشینا خطوتین واني وعقيله نتهامس بضحك... صاحت ايناس تعالن خل نکعد واسولف آلچن...كلبي ماينطينب -صدك هههههه -اي صدك غفران بس لاضحكين...نور خطيه خطبها واحد بلعطله.. هن تقريبآ عشر خوات فوالدها ماعون واحد اجا الوحده من بناتها.. فمن دخلت حتى أتشوفه طلع شاب يخبل"مال"وجمال وهي فرحانه واهلها فرحو فچانو مستعجلین اهل الولد... دخلها أبوها تعقد وهي فوكها وصله عود عيب من الشيخ... خلصو عقد وخذو مستمسكاتها صدقو زواجها بلمحكمه فليش ما بليلة العرس.... وچان یدخل علیها العریس مو مثل الشافته... ظاله أصرخ وتبچي... تريد ذاك الشافته... المهم شابعها كتل وضرب..ونايم وياها.. الصبح جايه أمها... الها ومسولفتلها على زوجها وشلون طالع موهوه يعني يجوز مبدليه... ام نور مخابره زوجها على ومسولفتله طالع يدري...بحقيقة زوجها وذاك الشافته حماها... وهم خوش قسمه... وكايل الأمها لا تدخلين.. فأني من خابرت نور....كتلها شلونه زوجچ.. کالتلي هو مو بشكل شكله ميهم.... بس مجرم طلع.بيه حاله نفسيه كتلها شلون كالت بنهار يدللني دلال...ماصاير وبليل من يقترب يضربني الحد مايطلع دم ويرتاح وهسه بعد هي بقت ... لأن والدها ممنوع عدهم الطلاق بقينا اني وعقيله خايفين من هل كلام السمعنا...عقيله تنوعت الها..كالت -ليش غشوها همه مو اسلام(من غشنا فليس منا) يعني يطلع من الأسلام مو خطيه نور...ايناس بضحكه -لچ ابوها بکیفه قابل ماكو غش....بس هي خطيه رحنا كلمن للكليه مالتها.. من خلصنا المحاضرات..عقيله اشوفها ضايجه.. -اشبيچ خیتي...تنوعتلي بحزن -افكر بنور...خطيه والله الدنيا ماتتأمن.. يعني أنتي من باسچ عباس الله یرحمه... کلت هسه غفران تحمل... تالي عرفت اشياء تخوف..عن زواج يله الوحده تحمل وهسه سيد مهدي خطبني وحتى ماشفته... ليش؟؟ زين والدي البارحه كلي المريه السباعيه اداري زوجها لأن الرجال مو نضده... يعني مااعرف شنو... سيد مهدي وسيم بشكله....ليش يكول هل كلام شي ايده متضرره.... مااعرف ياغفران الدنيا رح تضحكلي... شدكولين -انشاء الله حظچ اسعد من حظي...يله خل نطلع ورانا نيشان نشتري "ملابس... ومانطونا مهله مجرد اسبوعين .............. علي... تزوجت واحلى زواج زواجي...شفت الضحكه بعيون غفران"وعقيله... يجوز من يضحكن عندي احلى من يوم عرسي.. هواي اصدقائي خطبو غفران"وعقيله ويرفضن غفران ادري بيها مكسوره.... بس عقيله ماعرفت... ليش برغم مابينا اسرار.... بس اعرف كلمن وجرحها...واعرف كلمن شتحس من ازوجت نذرت من تحمل زوجتي وتدخل بسابع... اروح للزياره وفعلا مر على زوجنا اشهر...وحملت زهراء.. ودخلت بسابع..ورحت للزياره... من رجعت لكيت عقيله مخطوبه... اشلون "وكيف... زين صورت العريس وين.. هواي تسائولات براسي....الي يلغيهن ضحكت عقيله وفرحتها.... وانشاء الله اليوم الاشوف ضحكت غفران  ..................... طال فراقنا وطال وظننت لقائنا شيء محال.. سأنساكِ قارورتي وأريح البال.. لكني سمعت صوت العقل قال... هل للعابد ان ينسى سجده. أم للناسك أن ينسى ركعه.. أم للمتصوف ينسى زهده.. فأنا العاشق الذي ابتليه قلبه.. كل عابد. كل ناسك.. كل متصوف.. ابتلي بفتاته التي هيه عشقه.. رجعت من جلسه وي دكتور أمريكي...كالي بيها انو اربطت ايدي مقطعه...يعني مارح تتحرك ابد أله بعد علاجات..وجلسات طبيعيه طلعت من المستشفى وعيوني للسماء..ادعي -اللهم لا أسئلك رد القضاء لكن أسئلك الطف فيه.. اخوي مجتبی سندني حتى أصعد للسياره صعد وهو یسوق السیاره..وعیونه تدمع.. کل اشوي احسه يمسح ادموعه.....نداريت عليه -ليش تبچي خويه... -لا ماأبچي.... -ميخالف شوف سيد مچتبی...آحنا مازال بهل دنیا.. فلا تتوقع کل آیامنا حلوه...حتی لو فلوس عدنا.. لآن لازم یجي اليوم الي رح تختبر بلاء الدنيا.. يجوز أني وأنت بفضل الله وجدي...ماشفنا تعب بس غيرنا لا... فحب الله أن يشوف صبرنا شلونه أذا أني أئيس"وأنت تبچي وين الصبر بلموضوع -يخوي اذا مو عليك تذرف دمعتي..منو يستاهل انت وين چنت وهسه وین صرت.... لیش یخوي هذا حالك تلث سنين تعذبت ماكافي رب العالمين يرحم حالك... -استغفر الله ليش تتكلم هيچ..حرام معناها نعترض على اقدار رب العالمين...والاعتراض كفر.. الله سبحانه ماينسأل...استغفر ربك لاتتحاسب على هاي الكلمه -استغفر الله.... _يخوي انت عضيدي ترى دمعتك صعبه عليه أشوفني ممتأثر أبد الحمدالله الولد الي قبلي دخلوه مشلول... بسبب كرة القدم سقط على ظهره فأني نعمه الكزازه مال سياره بوجهي..وثكلها عليه ربك اله حكمه بهل حادث...يجوز نسيت نفسي بهل دنيا وراد يرجعني له ويسمع دعائيي يجوز التهيت بعشكي...وابتعد عن عشق الله فرادني ارجع له -هههه خاب ضحكتني خوش أصبر الواحد -ديله خل ننزل وصلنا للبيت وچنت اشوي جوعان...اجت عمتي زينه وهي تتنوعلي..سلمت عليها ردت برود حسيت اكو شي بس ردت أسئلها أذن اذان الظهر... رحت للمغسله توضيت واني أدخل للمكتب لكيت العامله زنان فارشه السجاده اليه.. شكرتها طلعت صليت كملت فتحت القرأن..الي صار وسيلتي وصبري أجاني اخوي مجتبى....وهو يسندني اگوم اتغدی برغم أكدر اكوم بس بصعوبه...كعدت على ميز الطعام توسطتها وجدي مقابيلي... ومن يمناي أخوي...واليسرى أمي "وعمتي زينه وبنت خالي نهاد..بديت أكل واسمع عمتي تسولف وي جدي بصوت ناصي... واني بشراها اكل...سمعت أسم بيت حجي ابو كامل واني ماسك الخاشوكه لا أراديا تركتها.... منتظر اريد اسمع شدكول ذول اهل عقيله...منو رح تنخطب.. زین یجهزون الخطوبت منو.... انتبهت علی نفسي اشبيك سيد مهدي..صار تلث سنين معقوله مانسيتها... بقيت منتظر عسى اجيب طاريها اريد أسئل عن شي مانسيته..... بس أحاول أتناساه..وحتى ماكدرت أتناساه برغم عرض الصاله مال الطعام...حسيتها ضيقه ياربي تمتحني بيها....وحطيتها بهاي الصوره هذا حب لو بلاء ياربي لا هذا مرض.. لا كدر مرض"ولا ألمي ينسيني.. غمضت عيوني وتراوتلي صورتچ...مو بس هل لحظه لا كل لحظه تطرف صورتعا کبالي... وهي كل الي شفتها بیه... من بعید ومره وحده قریب مانسیتها ادري حتی لو ما ذاكرها بطرف لساني بس عقلي يفكر بيها...موبس گلبي.. كأن ذكر اهل عقيله کدامي عذاب انضاف العذابي وكأن الي بيه هسه موكافي.... لأن بعد مااصلح الهل ملاك زوج وهنا حسيت أنشطرت نصین... نص اني ونص عقلي وكلبي اليردوها. رفعت راسي العمتي زينه -عمه مازال انتم بطاري بيت حجي ابو كامل شخبار عقيله....زفرة حسره -والله سمعت رح تنخطب وجاي يجهزولها... برغم كلشي صار بيه من حادث"والالم"والعمليات لكن اليئس مدخل الگلبي مثل هل لحظه... دفعت الكرسي... وبخطواتي الثكيله....وبعناء وصلت الغرفتي....ومااعرف شلون وصلت شي ونكسر داخلي....كعدت على الچربایه ِظاهري ساكت....بس داخلي ضجيج قوي شنو الأنتظره وشني الأريده...تزوجني تقبل بيه.. أدموعي نزلت غصب رغم كاتمهن...جريت سبحتي أريد استغفر ربي....واحاچیه -یارب هاي البنيه حلمي الوحيد أشكد راقبتها..خفت عليها... خفتك ياربي بيها حتى تباركلي بزواجي منها وتنطيني ياها... مانظرتله نظرة سوء...حتى أزيد بركاتك منك عليه ياربي أني مو طلبتها منك.. هيچ جاي أشوفني قوي...وتحمل كل الي يصير بيه دخل جدي عليه...واني كاعد بلكاع.. كعد يمي... -بعدك تحبها يبوي.... -يجدي شكلك عاشكها من جدمي للراس.. بس مااريد خاف متقبل... -شني متقبل أني چنت منتظرك تشفى زين..لا تخزن -مولاي أني مااصلح الشي...اني أدمرت چنت طول عمري عايش بترف ودلال.. يجوز صدمتي الوحيده...اسشهاد والدي وحتى من استشهد خليتني أترك اراسه سنه لان بقيت أمتمت بلحچي.. دللتني أنت وعوضتني حنان والدي...ونسيته وسفرتني كل دول العالم... بحيث ماكلت يوم اريد أبوي شسوي...كلي -رح أخطبها الك كلشي ولا حزنك يبوي... اشتريلك السعاده مشترى...بس أمر انت چان قراري أقبل وماأقبل"اريد وماأريد... -اخطبها جدي.... -هسه كوم خل أبدلك...نهضت وكلي أمل قوي بدلت ملابسي عيوني للمرايه شفت وجهي تعبان جريت شطفه من كنتوري.. لبستها...طلعت ولكيت عمي جعفر وجدي واخوي دخلت ايدي بستاند العكازه.... أمشي بخطوات موجوعه... وصلنا للبيت ومن شافنا أبوعلي أستقبلنا بوجه بشوش كعدت ابسد جدي وأخوي...مال جدي -شلونك أبو علي جايين ناخذ الأمانه مالتكم.. عقيله حرمتنا...واحنا تأخرنا بسبب ظروف أوليدي حفيدي مات وبعدنا حزنانين عليه....فعذرونا واني كاعد امي دزت مسج على الفون مالتي... -وافقو أبني وحتى صورك راويتهن ماعدهن اعتراض وسولفتلهم على وضعك وماطلبو يشوفوك بداخلي شي فرح... بس حسيت اكو خلل بلموضوع... نهضنا أروح البيت والدها... بعد مااتفق ابوعلي...وجدي فكرت بلي صار...أشو خالها چنه آمشبه علیه.. وعیونه علی جدي ومچتبى... واني يتنوعلي بحزن عليه...نزلت الشطفه.. ومقدمت شعري....ماحبيت نظرت الشفقه... نهضنا واحنا روح البيت والدها...من وصلنا طلعنا ابو عقيله...نفس عيون عقيله سلمت عليه...وياه أخوه ولده اثنين وهم تنوعلي بنظره طويله وبدهشه وكالي -أنت العريس... -اي عمي اذا ماعندك أعتراض وانت والدها... -لا ماعندي أعتراض جدها الله يرحمه يعرف مصلحتها وصاني بيكم وخصوصآ أنت ماكلي أنت؟؟ دنجت بخجل رديت رفعت راسي -انشاء الله عند حسن ظنك عمي... -اكيد مازال انت اختيار حجي أبو كامل...تستاهل بس عينك عليها لان امانته هيه وبسبب الروحه والجيه كلش دخت... ردينا البيت أبو علي...وجدي هو الي يعقد من ورى الباب...من سمعت صوتها دکولين الجدي -وكلتك نفسي...الروح ردت اليه وبالي لازم اتكلم لازم أحچي وي عقيله واكلها تقبلين بيه...هيچ واترك الچ حریة الأختيار... من خلص جدي العقد...همس الجدي لازم اشوف عقيله....نهض جدي وهو يكعد يم خالچ.. -خل عقیله تجي تكعد هي والسيد...ابوها تعصب -لا مايجوز ماعدنا طبه وطلع ولا بنات يكعدن وي خطاطيبهن... -بس من حقهم واحد يحچي وي الثاني.. -اي من حقهم بس هي بعهدتي....اتصير عدكم وشبعو حچي... وثانيآ العلويه مراويه صور أبنكم...ومقتنعه چنت متمني يوافق... لأن الكلام يصير وجه لوجه حتى أترك العقيله حرية الأختيار.....وبكيفها ضجت من ابوها وهو يمنعني واحنا نطلع.... رجعت للبيت واني افكر...اشلون اتأكد بحبها يارب قويني.... اضوج اكعد اقرأء قرأن... وكل شغلات العقد"وجواز السفر مال شهر العسل جدي يشتغل بيهن.. اكعد افتح القرأن اخذ خيره مااكدر افتحه.. خاف أيكلي للسوي غلط... حرت بين ضميري وحبي...بين عقلي" وقلبي لازم اروح للكليه مالتها...وتكلم شي ويمنعني يجوز انانيتي... عقلي يكلي أسكت وعوفها على الله...والدها موافق وشاف وضعك.... ضميري يكلي...بس خالها الاخر لحظه مشبه عليه...اتكلم مرت السبوعين...جدي يوزع بطاقات العرس وبيوم العرس....البيت مخبوص واني نايم اليل كله انتهيت من التفكير... شربت شريط كامل...مال مهدئات... الوجع براسي زاد من التفكير...والأرق.. اتصلت على الدكتور البريطاني عن سبب الالم خبرتي خاف مطول شعري... لأن الفطر لسى مملتحم زين...والشعر وي الحر يعرك الراس يسبب ألم... اجاني مصطفى اخوي واني متمدد على الچربایه بغرفة جدي... حتى غرفتي كرهت أدخلها.. برغم جهزوها بأرقى اثاث...مكدرت أدخلها -يله كوم سيد مهدي الوحد معرس والف مجانين تعال شوف عماتك"خالاتك...كالبات البيت صالون واني رتبت شعري...وحددت شواربي.. وانت نايم... خبصتنا قبل زوجني لا احرك روحي. ههههه تنوعت له...واني ادخل للحمام.. الشعر حلو مغطي هواي تشوهات..هو وال للحيه الوجع زاد.. جريت المكينه الكهربائيه...وبديت أزين بشعري وبلحيتي.... بايد وحده....الثانيه بدت ترجف ماتتحرك تعصبت واني معند.... جبت موس وزينت راسي صفر.. وزينت لحيتي صفر...واني اتنوع الوجهي كلشي بيه مشوه... ابتعدت من المرايه...سبحت اريد الألم يروح نشفت جسمي...لبست بس سروال مااريد أعرس خلاص... اشلون اعرس بيا وجهه...ليش هسه حسيت وينچنت لازم اکنسل کلشي... دخل مصطفى أخوي وهو صافن عليه..بتعجب -اكو واحد يدك صفر بيوم عرسه نهضت بكل حيلي... بأيد وحده دفعته من صدره... -لا احچیها خویه لیش تخجل مني...كولها انت مشوه ودور أزين صفر...طلعها أو اطلع تقرب مني يحضني... -والله ياسيد مهدي ماقصدي الله يعلم...بس ليش هيچ‌زینت...الیوم زواجك "عرسك" دفعته -آطلع اطلع"محد يعرف بحالي ولكم اني تفكيري صار على جرف هاويه..اطلع بقى واكف يم الباب كعد على رجله..يتنوعلي اريد اعتذر منه اول مره اصيح عليه هذا عضيدي الماتركني... دخل جدي على صياحي... -أشبيك يبوي سيد مهدي أول تالي يصيح...كال مصطفى... -استلم حفيدك يريد يبطل مايزوج.. -ولك شني تبطل هو لعب جهال..تضحك عليه على الوادم المتانيه -اي شوف شكلي اشلونه شكل عريس..تقرب يصيح -ولك بعملتك هاي بروحك صخله ماانطيك هسه حسيت على روحك..والبنيه شني ذنبها.. شدكول الناس على سمعتها...ماتفكر ماعندك عقل.. ولك بويه شناقصك شباب "وثقافه"ومال"وجاه" وسمعه الكل يحلف بيها... وفوك هذا كله اخلاقك الورده...ليش يبوي أسوي هيچ ولك جدك خسر واحد مثلك...مايريد يخسرك نعمه من عشت"ردتك من الله بس نفس یصعد وینزل وين صرنا وين چنا..وشبي شكلك.. هاي أنت المؤمن الحافظ قرأن...لحظة شيطان تلبسك سمعت كلامه بحزن كمشت راسي بيدي ابچي.. -ناقصني شكل جدي...حضني وهو يبچي... -كافيك سيد مهدي..لو العافيه تنشرى.. چان اشتریتها...کافي وليدي...كوم.. اعاين الجدي والمصطفى وهم يلبسوني..... لبسني القميص جدي... -السموحه يوليدي كون مزوجها لك من زمان.. كله السبب مني من طفت عيني.... دنجت بست ايده... -لاتحچي هيچ مولاي...كلشي ولا انت ردت ادكم القميص مكدرت...شوف جدي اريدك ماتردني...ماادبر البس قميص.. ليش تكسرها وياي...والله تستاهل الافضل مني تستاهل اليداريها شنو ذنبها وتاخذني... مااريد الزواج جدي... يتيمه مااكسرها فوك يتمها حرام... لبسني القاط...وهو يسندي.. -لا تزعلني يبوي منك هاي هيه اليوم زواجك ولازم نروح.... صعدت بسياره....مصطفى أخوي يسوق.. وصلنا الباب البيت... بقى مصطفى كاعد...يم الستيرن... جدي يمي -يله وهسه كلي شسوي أحير بروحي منو ينزلني احير بيها....احير بدلتها... اندار مصطفى عليه يضحكني.... -حيره بيها خويه اليوم يومك... مالي واهس ضحك... طبطب جدي على فخذي -اني اجيبها الك لايهمك...نزل جدي وهو يلبس عباته اشوي وانفتح باب السياره..... صعدت عقيله....بدلتها وجدي هو الي رتب كعدتها اشكد تمنيت بيوم عرسي اني...انزلها من اهلها بس حمدت الله وشكرته....وكلبي مقبوض من الأعظم خاف يصير شي اعظم من هذا وضعي... تنوعت الايدها ترجف...عنت نفسي واني المسها كلشي الغى هل لحظه...بس دكاتي گلبي ساق اخوي السياره... وصلنا للفندق...ونزلها جدي...وياه امي.. واني بقيت محتار...شسوي وشلون ادخل .... ولد عمي...واخوي الكل فرحان.. بس اني عقلي يضرب اخماس باسداس الى أن صاحلي جدي... -كوم ابني اصعد الحرمتك...عيب واني رح اصلي وازور وادعيلك يتمم على خير.... خطواتي للمصعد وبيدي السبحه استغفر... -يارب هون لي صعوبتها.... دخلت واني اشوفها كاعده تقربت منها..شلت النقاب الأبيض؟؟
0 التعليقات: